Fuad İsmayılov həbs olundu

Bakı/22.05.20/Turan: İctimai fəal Fuad İsmayılov Suraxanı Rayon Məhkəməsinin qərarı iki ay müddətinə inzibati qaydada həbs olunub. 

İsmayılov İnzibati Xətalar Məcəlləsinin 206-cı maddəsi (Qanunsuz olaraq narkotik vasitələrin, psixotrop maddələrin istehlakı, satış məqsədi olmadan şəxsi istehlak miqdarında hazırlanması, əldə edilməsi, saxlanılması, daşınması və ya göndərilməsi) ilə həbs olunub. 

İsmayılovun yaxınları AzadlıqRadiosuna bildirib ki, məhkəmə prosesində o özü təqsirli bilməyib. 

İsmayılov məhkəməsindən aparılarkən şərlə üzləşdiyini bildirib. "Polisdə əvvəl barəmdə bir protokolu tərtib etdilər, sonra protokolu dəyişiblər. Narkotik isə cibimə polislər atıb". 

Məsələ ilə bağlı Daxili İşlər Nazirliyindən münasibət öyrənmək mümkün olmayıb. 

Bu, İnzibati Xətalar Məcəlləsinin 206-cı maddəsi ilə ikinci inzibati həbsdir. 

Fuad İamayılov Mərkəzi Seçki Komissiyasının (MSK) qarşısındakı divara «Fu Məzi» yazmış ictimai fəal Fuad İsmayılov martın 7-də İnzibati Xətalar Məcəlləsinin 206-cı maddəsi ilə inzibati qaydada həbs olunmuşdu. Məhkəmədə İsmayılov bildirmişdir ki, narkotik ittihamı yalandır, marixuananı Suraxanı rayonu, 32-ci polis bölməsində onun cibinə polislərin özü atıb.

İsmayılovun bildirdiyinə görə, həbs olunarkən Suraxanı Rayon 32-ci polis bölməsində işgəncələrə məruz qaldı. 

Daxili İşlər Nazirliyi isə Azərbaycanda polis orqanlarında işgəncə haqda iddiaları, beynəlxalq hesabatlarda yazılanları təkzib edir.—21D-