Bakı/01.11.19/Turan: Azərbaycan Xalq Cəbhəsi Partiyasının (AXCP) fəalı Fuad Qəhrəmanlı əvvəllər bildirildiyi kimi 10 deyil, 30 günlük həbs edilib. Bu barədə Turan-a AXCP sədrinin müşaviri Məmməd İbrahim bildirib.
“Dünən məhkəmədən Fuad Qəhrəmanlının qardaşına zəng edərək bildiriblər ki, o, 10 gün müddətinə həbs edilib. Amma bu gün Fuad özü Binəqədi təcridxanasından zəng edib, 30 gün müddətinə həbs edildiyini bildirib”, deyə İbrahim qeyd edib.
Nərimanov rayon məhkəməsi Qəhrəmanlını İnzibati Xətalar Məcəlləsinin 510-cu (kiçik xuliqanlıq) maddəsi ilə təqsirli bilib.
AXCP-də hesab edirlər ki, həbs müxalifətin noyabrın 2-nə təyin edilən, dünən təxirə salınan mitinqi ilə bağlıdır. -06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz