Bakı/04.01.18/Turan: Gəncənin keçmiş icra başçısı Elmar Vəliyevə qarşı sui-qəsdlə əlaqədar 18 nəfər cinayət məsuliyyətinə cəlb edilib, daha 11 nəfər barəsində axtarış elan edilib. Bu barədə baş prokuror Zakir Qaralov cümə günü 2018-ci ilin yekunlarına həsr edilmiş əməliyyat müşavirəsində bildirib.
Onun sözlərinə görə, "radikal dindar" Yunis Səfərov 2018-ci il iyulun 3-də Gəncə şəhər icra başçısına və polis əməkdaşına qarşı planlaşdırılmış terror aktı həyata keçirib. Konstitusiya quruluşunun dəyişdirilməsi cəhdi, terrorizm ittihamı ilə açılmış bu cinayət işi üzrə 18 nəfər - mütəşəkkil cinayətkar qrupun üzvləri məsuliyyətə cəlb edilib. Daha 11 nəfər barəsində beynəlxalq axtarış elan edilib.
Bu iş üzrə cinayət əməllərində əli olan digər şəxsləri müəyyən edilməsi üzrə intensiv əməliyyat-istintaq tədbirləri davam etdirilir, deyə Qaralov bildirib.
Bundan başqa, Gəncədə Səfərovun "müdafiəsi üçün" iğtişaş təşkil edən 59 nəfər cinayət məsuliyyətinə cəlb edilib.
Sözügedən cinayət işi çərçivəsində 36 nəfər barəsində materiallar (4 iş) artıq Gəncə Ağır Cinayətlər Məhkəməsinə göndərilib. Digərləri barəsində istintaq davam etdirilir. -06D-
Cəmiyyət
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
-
Körpüyə qalxıb özünü aşağı atmağa cəhd edən 32 yaşlı naməlum kişi yarım saat aeroport yolunda nəqliyyatın hərəkətinə maneçilik törədib.
-
Noyabrın 8-də paytaxtda hava tutqun olacaq, gecə yağış yağa bilər. Abşeronda yağıntı intensiv olacaq, cənub-qərb küləyi əsəcək, səhər zəif duman olacaq.
-
ABŞ-da keçmiş prezident Donald Trampın seçkidəki qələbəsi Azərbaycan siyasətçiləri və ekspertləri tərəfindən fərqli şəkildə qiymətləndirilib. Siyasi analitik Şahin Cəfərli X şəbəkəsində respublikaçıların qələbəsini prezident Co Baydenin qeyri-effektiv idarəçiliyi ilə əlaqələndirdi: "Xalq indiki hakimiyyəti və onun nümayəndəsini seçmək istəmədi."
Rəy yaz