Açiq mənbələrdən foto.
Bakı/02.07.21/Turan: İyulun 2-də "Gəncə işi" üzrə bir neçə fiqurantın anası Azərbaycan Ali Məhkəməsinin binası qarşısında piket keçirib.
Məhkum Əkrəm Əliyevin anası Elmira Əliyeva bildirib ki, onun oğlunu Gəncə hadisələri zamanı videomüşahidə kamerasına düşdüyünə görə həbs ediblər. Onun sözlərinə görə, oğlu Gəncə Nizami Rayon Polis İdarəsində, sonra isə Bakıda işgəncələrə məruz qalıb.
"Mən başa düşmürəm ki, niyə erməni terrorçuları məhkəməyə əlləri açıq vəziyyətdə gətirirlər, bizim uşaqlarımızı qandallarla” ", –o deyib.
Ana həmçinin şikayət edib ki, Gəncədən olan deputat Musa Quliyev onlara yalan vədlər verib, sonra isə görüşlərdən boyun qaçırıb. "Biz artıq üç ildir ki, küçələrdə aksiyalar keçiririk. Həbs olunanların uşaqları öz atalarını görməyiblər. Baş Prokurorluqda və məhkəmələrdə bizi aldadırlar. Məhkumlara bəraət verin", - digər qadın, 8 il müddətinə həbs edilmiş Həbib Qurbanovun anası Rəhilə Qurbanova deyib.
Gəncə polisində döyülmələr nəticəsində oğlunun gözləri tutulub, həbsxanada həkimlər ona tibbi yardım göstərmirlər.
"Biz Bakı ilə Gəncə arasında qalmışıq, həbs edilmiş övladlarımız üçün dərmanları özümüz alırıq", - qadın bildirib.
Qadınlar prezidentə müraciət edərək övladlarının azad edilməsinə çağırıblar.
*3 iyul 2018-ci il tarixində Gəncədə şəhərin o zamankı icra başçısı Elmar Vəliyevə sui-qəsd törədilib. Gəncə sakini Yunis Səfərov onu və cangüdənini yaralayıb. Bundan sonra iyulun 10-na Gəncə administrasiyasının binası qarşısında etiraz aksiyası təyin edilib. Həmin gün şəhərdə iğtişaşlar baş verib və bu iğtişaşlar zamanı iki polis əməkdaşı qətlə yetirilib. Bunun ardınca dindarların və başqa şəxslərin kütləvi həbsləri başlayıb.
Bu hadisələr üzrə 70 nəfərə qarşı cinayət işi qaldırılıb. Müttəhimlər 6 ildən 18 ilədək azadlıqdan məhrum ediliblər.10-a yaxın adam şərti olaraq azad edilib.
Yunis Səfərov və digər 11 nəfərin məhkəməsi 2020-ci ilin yanvarında başlayıb. —16B06-
Cəmiyyət
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
-
Dünyanın 28 ölkəsinin 100 universitetini təmsil edən 159 professor və müəllimdən ibarət koalisiya Azərbaycanın ekologiya və təbii sərvətlər naziri və COP29-un prezidenti Muxtar Babayevi 2023-cü ilin iyulundan qeyri-müəyyən müddətə ev dustaqlığında olan alim iqtisadçı və ekologiya fəalı, doktor Qubad İbadoğlunun azadlığa buraxılmasını müdafiə etməyə çağırıb. Azərbaycanın COP29 iqlim konfransına ev sahibliyi etdiyi bir vaxtda göndərilən məktubda doktor İbadoğlunun kritik səhhətinə və onun korrupsiya ilə mübarizəyə və qalıq yanacaq sənayesində şəffaflığın təşviqinə verdiyi töhfələrə istinad edərək, təcili tədbirlər görülməsinə çağırılır.
Rəy yaz