Bakı/08.01.20/Turan: Yanvarın 8-də Bakının Sabunçu Rayon Məhkəməsinin binasında Gəncə Şəhər İcra Hakimiyyətinin keçmiş başçısı Elmar Vəliyevə sui-qəsd cəhdində ittiham olunan Yunis Səfərov və digər 11 nəfərin məhkəməsi davam edib.
İşə Məhəmməd Bağırovun sədrliyi ilə Gəncə Ağır Cinayətlər Məhkəməsi baxır.
İclas zamanı vəkillər işin ibtidai istintaqa qaytarılması, həbs qətimkan tədbirinin dəyişdirilməsi və prosesin audio və videoyazısının aparılması, işgəncələrdən şikayətlərin yoxlanması üçün təkrar ekspertizanın aparılması barədə vəsatət qaldırıblar.
Vəsatətlərin əksəriyyəti təmin edilməyib. Bəzilərinə mahiyyəti üzrə dinləmələr zamanı baxılacaq. Eyni zamanda sədrlik edən hakim məhkəmə prosesi zamanı müttəhimlərin əllərindən qandalların çıxarılması barədə vəsatəti təmin edib.
Mütəhimləri 20-yə yaxın vəkil müdafiə edir. Onların əksəriyyəti dövlət tərəfindən təyin edilib.
Yanvarın 7-də keçirilən iclasda Y.Səfərov dövlət vəkilindən imtina edərək əvvəllər prokurorluq tərəfindən kənarlaşdırılmış vəkil Elçin Sadıqovun qaytarılmasını istəyib. Lakin məhkəmə Y.Səfərovun vəsatətini qəbul etməyib və ona dövlət vəkilinin verilməsini qərara alıb. Y.Səfərov buna cavab olaraq deyib ki, E.Sadıqovdan başqa digər vəkillərdən imtina edir.
Mahiyyəti üzrə dinləmələr yanvarın 16-na təyin edilib.
Müttəhimlərin ailə üzvləri prosesin gedişindən razı deyil. Asif Allahverdiyevin anası oğlunun hüquqlarının pozulmasına etiraz olaraq özünü yandırmaq niyyətində olduğunu bildirib.
Vəkil E.Sadıqov jurnalistlərə bildirib ki, Y.Səfərovun müdafiəsinə buraxılmaması ilə bağlı məhkəmənin qərarından şikayət edəcək.
*İttihama görə, xarici radikal dini dairələrin nümayəndəsi olan Yunis Səfərov 2018-ci il iyulun 3-də Gəncə şəhərində İcra Hakimiyyətinin başçısı və polis əməkdaşına qarşı öncədən planlaşdırılmış terror aktı törədib. O və bu iş üzrə keçən digər şəxslər Azərbaycanın konstitusiya quruluşunu zorla dəyişdirmək və şəriət dövləti yaratmaq məqsədilə terrorizmdə, qanunsuz silahlı dəstələr yaratmaqda, qanunsuz silah saxlamaqda, ağırlaşdırıcı hallarda polis əməkdaşlarını və qisas məqsədi ilə dövlət xadimlərini öldürmək cəhdində, dövlət əleyhinə çağırışlarda və digər ağır cinayətlər törətməkdə ittiham olunurlar.-03C06-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz