Bakı/09.01.19/Turan: Azərbaycan Dövlət Gömrük Komitəsinin 4 vəzifəli əməkdaşı vəzifə saxtakarlığı, rüşvət alma, qaçaqmalçılıq və digər cinayətlərə görə cinayət məsuliyyətinə cəlb edilib.
Həbslər hələ dekabrda baş verib, amma Dövlət Gömrük Komitəsi məlumatı yanvarın 8-də yayıb.
DGK-nin press-relizində deyilir ki, 2018-ci il dekabrın 6-da Dövlət Gömrük Komitəsinin Əməliyyat-İstintaq Baş İdarəsinin keçirdiyi əməliyyat tədbirləri nəticəsində vəzifə səlahiyyətlərini aşmaq və qulluq mövqeyindən sui-istifadə etməklə elektron ticarət sahəsində fəaliyyət göstərən şirkətlər və şəxslərlə cinayət əlaqəsinə girməkdə şübhəli bilinən Dövlət Gömrük Komitəsinin Poçt göndərişləri gömrük postunun rəisi İsmayıl Abdullayev, postun rəis müavini Rəşad Rzayev, postun böyük inspektoru Səbuhi Hüseynov, Skanlaşdırma və texniki nəzarət vasitələrinin tətbiqi şöbəsinin baş inspektoru Elizbər Rəhimov saxlanılıb.
Fakt üzrə Cinayət Məcəlləsinin 313 (Vəzifə saxtakarlığı), 312 (Rüşvət vermə (aktiv rüşvətxorluq), 311 (Rüşvət alma (passiv rüşvətxorluq),308 (Vəzifə səlahiyyətlərindən sui-istifadə) və 206-cı (Qaçaqmalçılıq) maddələri üzrə cinayət işi başlanılıb. Toplanmış materiallar hüquqi qiymət verilməsi üçün Baş Prokurorluğa göndərilib, deyə Dövlət Gömrük Komitəsinin məlumatında bildirilir.
Qeyd edək ki, aeroportda poçt gömrük qurumu yaradılmışdı. Bu, elektron ticarətin inkişafına problem yaradıb. Belə ki, sadə vətəndaşların elektron ticarət vasitəsilə sifarişlərinin çatdırılması problemi həllini tapmayıb. Məsələn, rayonlardan elektron ticarət vasitəsilə mobil telefon sifariş verən şəxs onu almaq üçün əvvəlki kimi yerli poçta, Bakıya gəlib Gömrük xidmətinin Poçt Daşımaları Mərkəzinə müraciət etməlidir. -03B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz