Görkəmli ictimaiyyət nümayəndələri Mehman Əliyevin işilə bağlı Azərbaycan prezidentinə müraciət ediblər
Bakı/05.09.17/Turan: Milli Məclisin deputatları, ictimaiyyət və media nümayəndələrindən ibarət qrup Azərbaycan prezidentinə müraciət edərək Turan İnformasiya Agentliyinin direktoru Mehman Əliyevin barəsində həbs qətimkan tədbirinin dəyişdirilməsinə yardım göstərilməsini xahiş edib.
Müraciətdə qeyd olunur ki, M.Əliyevin ölkə qarşısında böyük xidmətləri var, nüfuzlu jurnalist və media eksperti kimi dünyada yaxşı tanınır.
"Mehman Əliyev və onun rəhbərlik etdiyi agentlik çoxsaylı mükafatlara layiq görülüb. Turan agentliyi Azərbaycan ətrafında yaranmış informasiya blokadısının yarılmasında və Qarabağ münaqişəsi haqqında həqiqətlərin dünya ictimaiyyətinə çatdırılmasında fəal rol oynayıb. Xocalı faciəsi barədə dunyaya ilk məlumatı məhz Turan agentliyi çatdırıb. Həmin faciə haqqında çəkilmiş "Sonsuz dəhlız" fılmındə Turan-ın nadir arxiv sənədlərindən və agentliyin əməkdaşlarının yaradıcı dəstəyindən geniş istifadə olunub. Bu beynəlxalq layihə sayəsində dunyada yarım milyarddan çox insan Xocalı soyqırımı barədə məlumatlandırılıb", - müraciətdə deyilir.
"Mehman Əliyevin istintaqdan yayınma ehtimalı ilə həbsdə saxlanılması inandırıcı deyil, çünkü ilk gündən o, istintaqdan boyun qaçırmayıb, əksinə, onunla əməkdaşlıq edib", - sənəddə qeyd olunur.
Müraciət nüəllifləri ümid edirlər ki, Azərbaycan prezidenti istintaqın obyektiv aparılmasına və Mehman Əliyevin barəsində həbs qətimkan tədbirinin dəyişdirilməsinə yardım göstərəcək.
Müraciəti Yazıçılar Birliyinin sədri Anar, Milli Məclisin deputatları Rasim Musabəyov, Asim Mollazadə, Fazil Mustafa, keçmiş xarici işlər naziri Tofiq Zülfüqarov, Azərbaycan Musiqi Xadimləri İttifaqının sədri Fərhad Bədəlbəyli, Azərbaycan Yazıçılar Birliyinin katibi Çingiz Abdullayev, Azərbaycanın xalq şairi Sabir Rüstəmxanlı, kinorejissor və ssenarist Ramiz Fətəliyev, "Xəzər" Universitetinin rektoru Hamlet İsaxanlı, şərqşünas-alim Fərda Əsədov, Azərbaycanın xalq artisti Nurəddin Mehdixanlı, Azərbaycan Jurnalistlər Birliyinin sədri Elçin Şıxlı, "Yeni nəsil" Jurnalistlər Birliyinin sədri Arif Əliyev, Jurnalistikanın İnkişafına Yardım Mərkəzinin rəhbəri Qulu Məhərrəmli imzalayıblar.-06в--
-
- Söz istəyirəm
- 5 Sentyabr 2017 22:05
-
- Cəmiyyət
- 6 Sentyabr 2017 00:01
Cəmiyyət
-
"Qanunvericiliyə əsasən, bu ilin noyabrında parlament seçkiləri olmalıdır, ancaq seçkilərin müddəti önə də çəkilə bilər". Bunu mayın 2-də Mərkəzi Seçki Komissiyasının (MSK) iclasında qurumun sədri Məzahir Pənahov bildirib.
-
Bakıda yaşıllıqların məhv edilməsi ictimaiyyətin narahatlığına səbəb olub, belə ki, bütün şəhər ərazisində bir neçə parkda tikinti işlərinin aparıldığı müşahidə olunub və sosial şəbəkələrdə işlərin gedişatını əks etdirən fotoşəkillər yayılıb. Maraqlıdır ki, Nərimanov rayonunda, “Dostluq” kinoteatrının yaxınlığındakı şəhidlər parkında sakinlər ağacların kəsildiyini və yüksək binaların tikintisi üçün ərazilərin hasara alındığını bildirirlər.
-
Çərşənbə axşamı Bakıda və Abşeron yarımadasında yağış yağacağı, bəzi yerlərdə intensiv xarakterli olacağı, şimşək çaxacağı gözlənilir. Şimal-qərb küləyi əsəcək.
-
Mayın 6-da Bakıda və Abşeronda buludlu hava şəraitinin üstünlük təşkil edəcəyi gözlənilir. Axşam və gecə saatlarında yağış yağacağı, şimşək çaxacağı. Şimal-qərb küləyi əsəcək.
Rəy yaz