Güclü zəlzələ gözlənilmir. - seysmoloq /YENİLƏNİB/

Zəlzələdən sonra xırda təkanlar, afterşoklar olur. Amma güclü zəlzələ gözlənilmir.

Bunu Turana Respublika Seysmoloji Xidmət Mərkəzinin baş direktoru Qurban Yetirmişli Azərbaycanda iyulun 4-də baş vermiş zəlzələdən sonra bildirib. 

Onun sözlərinə görə, narahatlığa ehtiyac yoxdur. 

*   *   *

2023 İyul 04 (Çərşənbə axşamı) 01:04:31

Zəlzələ nəticəsində dağıntı və tələfat barədə məlumat daxil olmayıb - FHN /YENİLƏNİB/ 

İlkin məlumata əsasən, zəlzələ ilə əlaqədar olaraq, dağıntı və təlafat barədə FHN-ə məlumat daxil olmayıb.

*   *   *

2023 İyul 04 (Çərşənbə axşamı) 00:40:27

Azərbaycanda zəlzələ /YENİLƏNİB/

Avropa-Aralıq dənizi Seysmoloji Mərkəzin məlumatına görə, maqnitudası 5,4 olan zəlzələnin episentri Xəzər dənizində, Xaçmaz şəhərindən 51 km şimal-şərqdə yerləşib.

Zəlzələnin ocağı təxminən 60 km dərinlikdə yerləşib.

*   *   *

2023 İyul 04 (Çərşənbə axşamı) 00:20:40

Azərbaycanda zəlzələ

Bakı/04/07/23/Turan: İyulun 4-də gecə yarısı Azərbaycanda zəlzələ baş verib. “Android” əməliyyat sisteminin istifadəçiləri zəlzələnin episentrinin Xəzər dənizində, təxminən Azərbaycan və Dağıstan sərhədi zonasında olması barədə bildirişlər alıblar. Zəlzələnin maqnitudası 5,5  olub.

Ən güclü təkanlar Xaçmazda hiss olunub. Tələfat və dağıntılar barədə məlumat yoxdur.

Zəlzələ Azərbaycanın digər şimal-şərq və şərq rayonlarında da hiss olunub. Zəlzələni Bakı sakinləri də hiss ediblər. -06V-