Gülalıyev İstanbulun "Amerika Xəstəxanası"na köçürülüb (yenilənib)

Bakı/19.11.19/Turan: Noyabrın 19-da günün ikinci yarısında komada olan hüquq müdafiəçisi Oqtay Gülalıyev İstanbulun "Amerika Xəstəxanası"na köçürülüb. Bu barədə hüquq müdafiəçisnin həyat yoldaşı Firuzə Gülalıyeva bildirib.

Onun sözlərinə görə, Heydər Əliyev Fondu bu klinikada 20 günlük müalicə xərcini ödəyib. -05B-

*   *   *

2019 Noyabr 19 (Çərşənbə axşamı) 16:14:10

Oqtay Gülalıyev hələlik İstanbulun “Amerika xəstəxanası”na köçürülməyib

Bakı/19.11.19/Turan: Hüquq müdafiəçisi Oqtay Gülalıyevin İstanbulun “Avrasiya” klinikasından elə həmin şəhərdəki “Amerika xəstəxanası”na köçürülməsinə hazırlıq hələlik həyata keçirilməyib. Bu barədə çərşənbə axşamı Turan-a onun həyat yoldaşı Firuzə Gülalıyeva bildirib.

“Oqtayın vəziyyəti ağır olaraq qalır, o, ayılmayıb, hələ də komadadır. İndi epikriz hazırlayırlar və tezliklə “Amerika xəstəxanası”na köçürülmənin baş tutacağını gözləyirik”, deyə o bildirib.

Xatırladaq ki, Gülalıyevi oktyabrın 29-da Bakının mərkəzində maşın vurub və o, ağır kəllə-beyin travması alıb və komaya düşüb. Bakıda neyrocərrahi əməliyyat gecikmə ilə həyata keçiriləcək.

Noyabrın 5-də Heydər Əliyev Fondunun dəstəyi ilə Gülalıyev İstanbula müalicəyə göndərilib. -06D-