![Gürcüstan Ali Məhkəməsi: Fərman Ceyranlı 6 il həbsdə oturacaq](https://turan.az/resized/750/500/resize/media/2019/main/080300020691.jpg)
Gürcüstan Ali Məhkəməsi: Fərman Ceyranlı 6 il həbsdə oturacaq
Bakı/03.08.19/Turan: Avqustun 2-də Gürcüstan Ali Məhkəməsi tanınmış cərrah Fərman Ceyranlının azadlıqdan məhrumetmə cəzasının azaldılması ilə bağlı Apellyasiya Məhkəməsinin qərarını ləğv edib. Bu barədə Azərbaycan Demokratik Qüvvələrin Milli Şurasının sədri Cəmil Həsənli Facebook səhifəsində yazıb.
Onu sözlərinə görə, Ali Məhkəmə bu "rüsvayçı" qərarı öz təşəbbüsü ilə, yəni Gürcüstan prokurorluğunun müraciəti olmadan qəbul edib.
Qeyd edək ki, 2018-ci ilin fevralında F.Ceyranlı 6 il azadlıqdan məhrum edilib, ancaq həmin ilin dekabrında Gürcüstan Apellyasiya Məhkəməsi bu müddəti 2 il 3 ayadək azaldıb və 2019-cu ilin avqustunda o, azadlığa çıxmalı idi.
Gürcüstan Ali Məhkəməsinin qərarı nə ilə əlaqədardır və hansı əsaslarla Apellyasiya Məhkəməsinin qərarını ləğv etməsi məlum deyil.
Qeyd edək ki, F.Ceyranlı vaxtından əvvəl şərti olaraq azadlığa buraxılması üçün müraciət edib. Bunun əvəzinə yeni həbs müddəti alıb.
Xatırladaq ki, 2018-ci ildə Gürcüstan məhkəməsi onu Gürcüstan CM-in 180 və 247-ci maddələri (dələduzluq, insan həyatı və sağlamlığına təhlükə yaradan informasiyanın gizlədilməsi) ilə təqsirli bilib. Söhbət F.Ceyranlının rəhbəri olduğu "Lanset" klinikasında xəstənin ölümündən gedir.
F.Ceyranlı məhkəmədə bildirib ki, siyasi sifariş ilə həbs olunub. Hökümətyönlü mətbuatda F.Ceyranlı Azərbaycan müxalifətinin qanunsuz maliyyələşdirilməsində ittiham edilib və məhz bu, onun təqib olunmasına səbəb olub, cərrahın yaxınları belə hesab edirlər. -02D-
-
- Cəmiyyət
- 3 Avqust 2019 10:58
-
- Böyük Şərq
- 3 Avqust 2019 11:09
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz