Gürcüstanda ermənilər Azərbaycanın Milli Qəhrəmanının abidəsinin sökülməsini tələb etməyə hazırdırlar

Bakı/09.02.19/Turan: Gürcüstan erməniləri Tbilisidə yerli azərbaycanlıların cümə mitinqindən sonra cavab bəyanatı ilə çıxış ediblər. Mitinq iştirakçıları Gürcüstanda ermənilərin məskunlaşdığı Buqaşen kəndində terrorçu Mixail Avaqyana büst qoyulmasına etiraz ediblər.

Avaqyan Qarabağda döyüşüb və azərbaycanlı dinc sakinlərin qətlində əli var.

"Son vaxtlar azərbaycanlı icması Buqaşen kənd sakini Mixail Avaqyana abidənin qoyulması və yenilənməsi ətrafında böyük hay-küy salıblar. Əgər bu kəndin sakininə abidə qoyulması belə səs-küyə səbəb ola bilirsə, o zaman biz də Lejbadin kəndində (Marneuli) Qarabağ müharibəsi iştirakçısı, Azərbaycanın Milli Qəhrəmanı Cəlil Səfərovun abidəsinin sökülməsini tələb edirik", - "Rusarminfo" bəyanatın mətninə toxunur.

Cəlil Səfərov Azərbaycan ordusunda xidmət edib, zabit olub. 1992-ci il mayın 15-də Şuşa şəhərinin yaxınlığında Turşsu kəndinin müdafiəsi zamanı həlak olub (30 yaşında). Ona ölümündən sonra Azərbaycanın Milli Qəhrəmanı adı verilib. Onun vətənində, Gürcüstanın Marneuli rayonunun Lejbadin kəndində ona abidə qoyulub.

Gürcüstanın ictimai xadimləri müxtəlif ziddiyyətli bəyanatlarla çıxış ediblər. Azərbaycan XİN Azərbaycan ərazisində döyüşmüş qanunsuz silahlı birləşmələrin iştirakçısına dost ölkənin ərazisində büst qoyulmasının yolverilməzliyi barədə kəskin bəyanatla çıxış edib.-0-