- Mədəniyyət
- 9 Fevral 2019, 23:56
- 67
Istanbulda Cənubi Azərbaycanlı rəssamın sərgisi açılıb
Bakı/09.02.19/Turan agentliyinin məlumatına görə,İstanbulda Cənubi Azərbaycanlı miniatür sənətkarı Səba Cəfərinin "Miniatürün XXİ əsr səyahəti" adlı sərgisi açılıb. Bağımsız sənət" vəqfinin təşkil etdiyi sərgiyə sənətsevərlərin marağı böyük olub.Sərginin açılış mərasimində çıxış edən iş adamı Əli Polad miniatür sənətinin mürəkkəbliyinə diqqəti cəlb edərək Səba Cəfərinin öz işinin öhdəsindən ləyaqətlə gəldiyini vurğulayıb.Əli Polad sənətin inkişafına xidmət edən gənc sənətkarlara hər cür dəstəyi verəcəklərini sözlərinə əlavə edib."Miniatürün XXİ əsrə səyahəti" adlı sərginin açılış mərasimində rəssam Səba Cəfərinin atası,Cənubi Azərbaycanın tanınmış şairi Huşəng Cəfəri bir neçə şeirini oxuyub.Açılış mərasimində İran İslam Respublikasının İstanbuldakı baş konsulu və baş konsulluğun əməkdaşları iştirak ediblər.
İran Azərbaycanının Zəncan vilayətində anadan olan Səba Cəfəri, Zəncandakı incəsənət institutunun qrafika bölməsini bitirib.Magistratura təhsilini İstanbuldakı Memar Sinan adına universitetdə alan Səba Cəfəri hal-hazırda həmin universitetdə doktorantura təhsili almaqla yanaşı "Kitabi-Dədə Qorqud dastanı və miniatürlər" mövzusunda dissertasiya yazır.Səba Cəfəri özünü XVİ əsr Təbriz miniatür məktəbinin yaradıcısı Kamaləddin Behzadın davamçılarından biri hesab etdiyini deyib.
"Miniatürün XXİ əsr səyahəti" sərgisi fevralın 28-nə qədər davam edəcək.
Mədəniyyət
-
“Eurovision” mahnı müsabiqəsinin parlaq xaosunda Azərbaycanın Fahree - İlkin Dövlətov dueti tamaşaçıların rəğbətini qazanması ilə deyil, “Eurovision”un üstünlük təşkil edən üslubundan xeyli fərqlənməsi ilə diqqət çəkib. Mayın 8-nə keçən gecə onların çıxışı TuraLTuranX brothers qrupunun keçən ilki nəticəsini təkrarlayaraq, onları finala çıxarmayıb. Hər iki halda Azərbaycan nümayəndələri on ikinci çıxış ediblər və səhnədə təmkinli davranış nümayiş etdiriblər, bu da “Eurovision”da çox vaxt rast gəlinən parlaq çıxışlardan fərqlənib.
-
Tekstil sənətinə bənzərsiz yanaşması ilə tanınan türkiyəli rəssam Süzan Murat “Turan” Agentliyi ilə canlı söhbətində sənətinə olan ehtirası və baxışlarını bölüşüb. Ənənəvi rəssamlığa üstünlük verən bir çox müasirlərindən fərqli olaraq, Murat bədii fikirlərini ifadə etmək üçün iynə və sapa müraciət edir, parçanı həyat və rənglə dolu kətanlara çevirib.
-
Çox zaman kinoekran insan emosiyalarının incəliklərini və sosial problemləri cəsarətli ştrixlərlə əks etdirən kətan (xolst) sayılır. Rejissor İlqar Safatın "İçərişəhər" psixoloji dramı da belədir.
-
Müasir incəsənətin daim dəyişən dünyasında sərgilər çox vaxt cəmiyyətin mürəkkəbliyini və insan təcrübəsini əks etdirən güzgü rolunu oynayır.
Rəy yaz