azertag.az
Bakı/18.01.22/Turan: Azərbaycanın görkəmli neft sənayeçisi və mesenatı Hacı Zeynalabdin Tağıyevin abidəsinin "İçərişəhər" metro stansiyasının yaxınlığında ucaldılması təsadüfi deyil, bunun böyük rəmzi mənası var. Bu barədə çərşənbə axşamı prezident İlham Əliyev açılış mərasimində bildirib.
Tağıyev bütün ömrü boyu Bakının inkişafına, abadlaşmasına, ümumiyyətlə, Azərbaycanın inkişafına böyük töhfə verib.
Tağıyevin xidmətləri arasında Şollar su kəmərinin tikintisinin maliyyələşdirilməsi, teatrların, qızlar üçün məktəbin açılması, yüzlərlə azərbaycanlı gəncin təhsil almaq üçün xaricə göndərilməsi də var.
"O, böyük insan, xalqa bağlı, bütün qəlbi ilə xalqı sevən, xalqın gələcəyi haqda düşünən insan idi", - Əliyev deyib.
“Tağıyevin əsasını qoyduğu xeyriyyəçilik ənənələri bu gün də müstəqil Azərbaycanda davam etdirilir və bu sahədə ən böyük xeyriyyəçi Heydər Əliyev Fondudur”, - o qeyd edib.—05D06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz