Bakı/19.02.19/Turan: Prezident İlham Əliyev bəzi çoxmənzilli binaların istismarına icazə verilməsinin sadələşdirilməsi haqqında fərman imzalayıb.
Preambulada deyilir ki, son illərdə bəzi çoxmənzilli yaşayış binalarında tikinti işləri şəhərsalma qanunvericiliyinin tələblərinə riayət olunmadan və ya sənədləşdirilməsində ciddi qüsurlar buraxılaraq, sakinlərinin hüquq və maraqları nəzərə alınmadan aparılıb ki, bu da, öz növbəsində, bir sıra hallarda həmin binaların rəsmiləşdirilməsini qeyri-mümkün edib.
Dövlət başçısı çoxmənzilli yaşayış binalarının sakinlərinin mənafelərini qorumaq məqsədilə həmin binaların istismarına icazə verilməsi prosedurunun sadələşdirlməsini qərara alıb.
Fərmanda 2019-cu il yanvarın 1-dək tikinti-quraşdırma işləri başa çatmış çoxmənzilli yaşayış binalarının istismarına icazə verilməsi qaydaları müəyyənləşdirilir.
FHN-ə tapşırılıb ki, çoxmənzilli yaşayış binalarının tikinti obyektinin yükdaşıyan konstruksiyalarının dayanıqlığı, möhkəmlik baxımından istismara yararlılığı, yanğın təhlükəsizliyi tələblərinə cavab verməsi, liftlərin və mühəndis-kommunikasiya təminatı sistemlərinin istismara hazırlığı barədə rəyi iki ay müddətində Azərbaycan Dövlət Şəhərsalma və Arxitektura Komitəsinə və ya yerli icra hakimiyyəti orqanına təqdim etsin.
Azərbaycan Dövlət Şəhərsalma və Arxitektura Komitəsi və ya aidiyyəti yerli icra hakimiyyəti orqanı 7 gün müddətində müayinənin nəticələrinə əsasən istismara icazə verir və bu barədə Tikintilərin Dövlət Reyestrinə və Fövqəladə Hallar Nazirliyinə yazılı məlumat göndərir.
FHN-in yoxlamasının nəticələri mənfi olduqda müayinə nəticəsində aşkarlanmış çatışmazlıq barədə rəy sifarişçiyə- obyektin sahibinə, onlar olmadığı halda aidiyyəti yerli icra hakimiyyəti orqanına təqdim olunur. Rəydə göstərilmiş çatışmazlıqlar 5 ay müddətində aradan qaldırıldıqda müayinənin yenidən aparılması üçün FHN-ə müraciət oluna bilər.
Əmlak Məsələləri Dövlət Komitəsinə tapşırılıb ki, qanunla müəyyən edilmiş müddətdə həmin katqroriyadan olan mənzillərə mülkiyyət hüquqlarına dair sənədlərin verilməsini təmin etsin.
"Azərsu" ASC, "Azərışıq" ASC və "Azəriqaz" İB-yə tapşırılıb ki, 1 ay ərzində istismarına icazə verilmiş çoxmənzilli yaşayış binalarında su, kanalizasiya, elektrik enerjisi və qaz təmin edilsin.
Fərman 2020-ci il yanvarın 1-dək qüvvədə olacaq.-06D--
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz