Açiq mənbələrdən foto.
Bakı/12.01.23/Turan: Ötən gecə və yanvarın 12-də səhər Azərbaycan ərazisində şaxtalı qarlı hava şəraiti davam edib.
Bəzi rayonlarda yağıntılar intensiv xarakter daşıyıb, bu barədə Milli Hidrometeorologiya Departamentinin məlumatında deyilir.
Belə ki, Lerikdə qar örtüyünün hündürlüyü 35 sm, Altıağacda 32 sm, Xaçmazda 24 sm, Quba, Şamaxı, Xaltanda 19 sm, Göytəpədə 17 sm, Qusarda 16 sm, Qaxda, Yardımlıda 15 sm, Qobustanda 14 sm, Biləsivarda, İsmayıllıda 10 sm təşkil edib.
Şabranda cənub-şərq küləyinin sürəti 20 metr/saniyəyə çatıb.
Sinoptiklərin proqnozlarına görə, yanvarın 12-də günün ikinci yarısından etibarən yağıntılar tədricən kəsiləcək, həftə sonu isə havanın temperaturu 4-6 dərəcə yüksələcək. 05D06
Cəmiyyət
-
İnnovasiya və sürət lideri “Bakcell” prestij və fərqliliyi sevən müştəriləri üçün xüsusi olaraq 100 seriyalı nömrələrini təqdim edir. Yeni seriya çərçivəsində müştərilər “055 100 XX XX” formatında unikal nömrələr əldə edə biləcəklər.
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
Rəy yaz