Elxan Əliyev
Bakı/23.03.22/Turan: Azərbaycan Xalq Cəbhəsi Partiyasının üzvü Elxan Əliyev Daxili İşlər Nazirliyinin inzibati həbs olunanların saxlama məntəqəsində aclıq edir.
Əliyev martın 19-da "xırda xuliqanlıq" və "polisə tabe olmamaq" kimi inzibati xətalar törətməkdə ittiham olunaraq 30 sutkalığa həbs edilib. O, ittihamı rədd edib. Azərbaycan Xalq Cəbhəsi Partiyası həbsi siyasi motivli adlandırıb.
Azərbaycan Xalq Cəbhəsi Partiyasından bildiriblər ki, martın 23-də Əliyev zəng edərək deyib ki, saxlandığı gündən aclıq edir.
O, əsassız həbsinə və avtomobilindən pulun yoxa çıxmasına etiraz edir.
Əliyevi öz avtomobilində gedərkən saxlayıblar.
Onu kobud şəkildə maşından endiribi polis avtomobilinə aparıblar.
O xahiş edib ki, mobil telefonu və başqasının əmanəti olan 2500 manatı (1500 dollar) öz avtomobilindən götürməyə icazə versinlər, lakin icazə verməyiblər.
Məhkəmədə Əliyev pul barədə soruşanda, ona deyiblər ki, "maşında pul yox idi".
Əliyev əmindir ki, pulu onu saxlayan polis əməkdaşları götürüblər. O, pulu geri qaytarana qədər aclığı davam etdirmək niyyətindədir, Azərbaycan Xalq Cəbhəsi Partiyasından deyiblər.
Daxili İşlər Nazirliyinin mətbuat xidmətindən şərh almaq mümkün olmayıb.06В-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz