Həbsdə olan NİDA-çı gənc: �Qarşıma şərt qoydular�
Bakı/22.11.17/Turan: NİDA Vətəndaş Hərəkatının həbsdə olan fəalı Ümman Səfərov noyabrın 22-də yenidən məhkəmə qarşısına çıxarılıb. Bakı Apellyasiya Məhkəməsində onun həbs qərarından verilmiş şikayətə baxılıb.
Məhkəmədə gənc fəalın vəkili Fəxrəddin Mehdiyev deyib ki, Xətai Rayon Məhkəməsinin qərarı əsassızdır. Çünki Ü.Səfərov nə ictimai qaydanı pozub, nə də polisə müqavimət göstərib. Vəkilin sözlərinə görə, onun bu əməli törətməsinə dair polislərin ifadəsindən başqa heç bir sübut yoxdur. Müdafiəçi bildirib ki, Ü.Səfərov "Facebook" səhifəsində hökuməti tənqid edən statuslarına görə cəzalandırılıb.
Gənc fəal özü də məhkəmədə iştirak edib və vəkilin dediklərini təsdiqləyib. Ü.Səfərov bildirib ki, onu üç nəfər mülki geyimli şəxs saxlayaraq, polis idarəsinə aparıb, orada ondan hökuməti tənqid edən statusları niyə yazdığını soruşublar, onları dayandırmağı tələb ediblər.
"NİDA"çı fəalın sözlərinə görə, polis idarəsində qarşısına şərt qoyublar: ya polisin tələbinə tabe olmaması barədə etiraf xarakterli izahatı, inzibati xəta haqqında protokolu imzalamalıdır, ya da barəsində cinayət işi açılacaq və uzunmüddətli həbə göndəriləcək. Bakı Dövlət Universitetinin jurnalistika fakültəsinin tələbəsi olan Ü.Səfərov deyir ki, uzunmüddətli həbsə görə təhsilinin yarımçıq qalmaması üçün protokolu və o məzmunda izahatı imzalayıb.
Qail Məmmədovun sədrlik etdiyi hakimlər kollegiyası qısa müşavirədən sonra apellyasiya şikayətinin təmin olunmadığını elan edib.
Vəkil Fəxrəddin Mehdiyev bildirib ki, Ü.Səfərov haqqında həbs qərarından Avropa Məhkəməsinə şikayət göndəriləcək.
BDU-nun dördüncü kurs tələbəsi olan Ü.Səfərov noyabrın 14-də saxlanılıb. Xətai Rayon Polis İdarəsində onun haqqında inzibati xəta protokolu tərtib olunduqdan sonra məhkəmə qarşısına çıxarılıb. İnzibati Xətalar Məcəlləsinin 535.1 maddəsi (polisin qanuni tələbinə tabe olmama) ilə gənc fəala 15 sutka inzibati həbs cəzası verilib.
NİDA Vətəndaş Hərəkatı Ü.Səfərovun "Facebook" statuslarına görə cəzalandırıldığını bəyan edib.-0-
-
- Cəmiyyət
- 22 Noyabr 2017 17:48
Cəmiyyət
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
Rəy yaz