Hüquq müdafiəçisi və jurnalistə xəbərdarlıq edilib
Bakı/22.11.17/Turan: "Sumqayıt Gənclərinin Hüquqi Maarifləndirilməsi və "Yüksəliş naminə" saytının baş redaktoru Elçin Məmməd iki saata yaxın Sumqayıt Şəhər Prokurorluğunda olub. Bu barədə E.Məmməd özü bildirib.
Onun sözlərinə görə, şəhər prokurorunun baş köməkçisi Elviz Salayev tərəfindən qəbul edilib və ona xəbərdarlıq mətni təqdim olunub.
E.Məmməd bildirib ki, görüşə qədər təxmin etdiyi kimi, QHT rəhbəri və jurnalist fəaliyyətilə bağlı xəbərdarlıq alıb: "Şəhər Prokurorluğunun xəbərdarlıq mətnini mənə E.Salayev təqdim etsə də, sənədi şəhər prokuroru Sərdar İmanov imzalayıb.
E.Məmməd xəbərdarlığın məzmununa da toxunub: "Xəbərdarlıqda "Yüksəliş Naminə" qəzetində və sosial şəbəkələrdə yerləşdirdiyim materiallara toxunulur. Bu yazılar qanunvericilik tələblərinin pozulması kimi dəyərləndirilir. Ölkənin dinamik inkişafına, əhalinin həyat səviyyəsinin yaxşılaşmasına, dövlətin iqtisadi baxımdan güclənməsinə xidmət edən iqtisadi islahatların mahiyyətini gerçək şəkildə əks etdirmədiyi vurğulanır. Hətta əxlaq və etikaya sığmayan fikirlərin səsləndirilməsi adlandırılır".
E.Məmməd deyib ki, xəbərdarlıqda bütün bu yazıların sensasiya xatirinə yazıldığı, faktlara əsaslanmadığı deyilir.
Onun sözlərinə görə, xəbərdarlıqda bu yazılar iqtisadi sahədə həyata keçirilən islahat və tədbirlər üzərinə kölgə salmaq,ictimai rəyi çaşdırmaq cəhdi kimi dəyərləndirilir: "Sonda da deyilir ki, yuxarıda göstərilən qanun pozuntuları yolverilməzdir və gələcəkdə təkrar edilərsə daha ciddi tədbirlər görülə bilər".
E.Məmməd isə bunu son zamanlar ölkədə insan haqları, siyasi məhbus hüquqları, vəkillik fəaliyyəti üzərinə basqıların tərkib hissəsi kimi dəyərləndirib. -05B-
Cəmiyyət
-
Bakcell Fəvvarələr Meydanında yeni brend kimliyinə uyğun innovativ mağazasını təqdim etdi. Mayın 3-dən etibarən faəliyyətə başlayan mağazanın açılışında Bakcell-in süni intellekt dəstəkli insanabənzər robotu Ardi iştirak edib.
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
Rəy yaz