Açiq mənbələrdən foto.
Həftə ərzində Sərhəd Xidməti 106 kiloqramdan çox narkotik maddə və 4000 psixotrop həb aşkar edərək götürüb
Bakı/18.05.22/Turan: Ötən həftə Azərbaycan sərhədçiləri İran ilə sərhəddə 106 kiloqram 495 qram müxtəlif narkotik vasitə, eləcə də 4000 psixotrop tablet götürüblər.
İran tərəfdən sərhədin pozulması faktı ilk dəfə mayın 12-də gecəyarısı Füzuli rayonunun Qazaxlar kəndi ərazisində qeydə alınıb. Əməliyyat-axtarış tədbirləri nəticəsində sərhəd yaxınlığında kolların arasında 9 kiloqram 400 qram marixuana aşkar edilib.
Mayın 15-də gecə saat 02:20-də Yardımlı rayonunun Abasallı kəndi yaxınlığında İran tərəfdən dörd naməlum şəxsin dövlət sərhədini pozması qeydə alınıb. Sərhədçilərin xəbərdarlıq atəşindən sonra sərhəd pozucuları öz yüklərini ataraq İrana qaçıblar.
Hadisə yerində ümumi çəkisi 79 kiloqram 595 qram (45 kiloqramdan çox heroin olub), narkotik maddə olan 4 paket, həmçinin marixuana, tiryək və 4 min metadon həbi aşkar edilib.
Mayın 17-də gecə saat 01:40-da Yardımlı rayonunun Alçabulaq kəndi yaxınlığında yenidən İran tərəfdən sərhədin pozulması qeydə alınıb. Sərhəd pozucuları “Dayan!” əmrinə avtomatdan atəş açıblar və sonra qaçmağa başlayıblar. Hadisə yerində ümumi çəkisi 3 kiloqram 17 500 qram marixuana paketi, AKM-74 avtomatı və 20 patron aşkar edilib.
Əməliyyat tədbirləri nəticəsində hadisə yerinin yaxınlığında qaçaqmalçılıqla əlaqədə şübhəli bilinən Azərbaycan vətəndaşı saxlanılıb. Faktla bağlı istintaq tədbirləri davam etdirilir, mayın 18-də Sərhəd Xidmətinin yaydığı məlumatda bildirilir. 02D
Cəmiyyət
-
Azercell-in dəstəyi ilə şagirdlərimiz İT sahəsində uğurlu nəticələr göstərməyə davam edirlər Cari ilin sentyabr ayında məktəblilərimiz informatika fənni üzrə iki beynəlxalq olimpiadada ölkəmizi uğurla təmsil ediblər. Belə ki, 1-8 sentyabr 2024-cü il tarixlərində Misirin İsgəndəriyyə şəhərində məktəblilərin 36-cı Beynəlxalq İnformatika Olimpiadası (IOI), sentyabr ayının 8-12 aralığında isə Səudiyyə Ərəbistanın Ər-Riyad şəhərində dünyanın Birinci Beynəlxalq Süni İntellekt Olimpiadası (IAIO) baş tutub.
-
Bu gün, sentyabrın 16-da Azərbaycanda yeni tədris ili başlayıb. Məktəbəqədər və Ümumi Təhsil üzrə Dövlət Agentliyinin açıqlamasına görə, 2024-2025-ci tədris ili üzrə I sinfə 132 min 261 uşaq qəbul olunub. Bu, ötən ilin göstəriciləri ilə müqayisədə azdır. Elm və Təhsil Nazirliyinin məlumatına görə, 2023-2024-cü tədris ilində ölkənin ümumtəhsil məktəblərinin I sinfinə 137 min 862 uşaq qəbul olmuşdu.
-
Sentyabrın 17-də Bakıda və Abşeronda havanın buludlu olacağı gözlənilir, gecə və səhər bəzi yerlərdə yağış yağacaq. Bu barədə Milli Hidrometeorologiya Xidmətinin məlumatında deyilir. Şimal-şərq küləyi əsəcək. Havanın temperaturu gecə müsbət 15 + 20, gündüz müsbət 24 + 27 dərəcə olacaq.
-
Sentyabrın 15-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin səhər bəzi şəhərətrafı ərazilərdə qısamüddətli yağış yağacağı ehtimalı var. Mülayim şimal-şərq küləyi əsəcək. Havanın temperaturu gecə müsbət 19+22, gündüz müsbət 26+29 dərəcə olacaq, Milli Hidrometeorologiya Xidməti bildirib.
Rəy yaz