Polad Aslanov. Açiq mənbələrdən foto.
Bakı/29.10.21/Turan: Dünən 1 saylı cəzaçəkmə müəssisəsində jurnalist Polad Aslanovun US müayinəsi keçirilib, təhlil üçün qan nümunələri götürülüb. Bu barədə onun həyat yoldaşı Gülmira Aslanova bildirib.
Bundan başqa, P.Aslanovun dişləri müayinə edilib, dişlərin çəkilməsi və müayinəsi təyin edilib. Ona öz hesabına diş körpüləri taxdırmağı tövsiyə ediblər və o, bununla razılaşıb.
Müalicə cəzaçəkmə müəssisəsinin tibb məntəqəsində həyata keçiriləcək.
Bundan başqa, yaxın günlərdə jurnalistin exokardioqramması çəkiləcək.
Jurnalist bir neçə aydır bu müayinələrin təyin edilməsinə nail olmağa çalışırdı.
Nəhayət, ötən həftə G.Aslanovanın digər həbsdə olan jurnalist Əfqan Sadıqovun həyat yoldaşı Sevinc Sadıqova ilə birlikdə Penitensiar Xidmətin və Ədliyyə Nazirliyinin Baş Tibb İdarəsinin yüksək vəzifəli məmurları tərəfindən qəbul edilməsindəsn sonra məsələ müsbət həllini tapıb.
* Xeberman.com saytının redaktoru Polad Aslanov 2019-cu il noyabrın 16-da İranın xeyrinə dövlətə xəyanət ittihamı ilə 16 il azadlıqdan məhrumetmə cəzasına məhkum edilib.
"Sərhədsiz Reportyorlar" təşkilatı və digər hüquq müdafiə qurumları Azərbaycan hakimiyyətini Polad Aslanovu azad etməyə çağırıblar. -06B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz