Bakı/15.04.19/Turan: Hüquq müdafiəçisi Oqtay Gülalıyev istintaq zamanı hərbçi İsmayıl Hüseynova işgəncələr verilməsi və onun həbsxanada intihara cəhd etməsi barədə məlumat dərc edib.
"2017-ci il mayın 18-də gecə saat üçdə onu Gəncədəki evindən Tərtərə aparıblar. O, dövlətə xəyanətdə ittiham olunub və dəhşətli işgəncələrə məruz qalıb", - hüquq müdafiəçisi İ.Hüseynovun anasına istinadən yazıb.
"Onu üç saat ayağından asıblar və başından elektrik cərəyanı keçiriblər. Huşunu itirənə qədər döyüblər, ermənilərə işlədiyini etiraf etməsini tələb edərək digər alçaldlıcı hərəkətlər ediblər.
Bir əsgər onun yanında ölüb. Ona deyiblər ki, etiraf etməsə onu da öldürəcəklər.
Bu işgəncələr altında onu etiraf etməyə məcbur ediblər və məhkəməyə veriblər.
Qapalı keçirilən prosesdə o, dövlətə xəyanətdə təqsirli bilinib və 15 il azadlıqdan məhrum edilib.
Həbsxanada ona baş çəkməyə gedən qardaşı bildirib ki, İsmayıl mənəvi və fiziki travmalara dözməyərək məhkəmənin ədalətsizliyinə etiraz olaraq aprelin 14-də 12 saylı koloniyada damarını kəsib.
"Onun vəziyyəti ağırdır. Hadisə yerinə Dövlət Təhlükəsizliyi Xidmətinin əməkdaşları gəliblər", - O.Gülalıyev yazıb.
Hərbi Prokurorluğun mətbuat xidmətindən Turan-a bildiriblər ki, İsmayıl Hüseynovun barəsində məhkəmə istintaqı davam edir.
"Əgər Hüseynovun şikayəti varsa, o və ya doğmaları prokurorluğa müraciət edə bilərlər", - Hərbi Prokurorluqdan bildiriblər.
Proses qapalı olduğuna görə məhkəmədən məlumat almaq mümkün olmayıb.
Penitensiar Xidmətin ictimaiyyətlə əlaqələr şöbəsindən Turan-a bildiriblər ki, İ.Hüseynov damarını kəsməyib.
Lakin məhbusun anası Məhsəti Hüseynova hüquq müdafiəçisi O.Gülalıyevin sözlərini Turan-a təsdiqləyib. O, həbsdən bir il sonra oğlunu Kürdəxanı təcrudxanasında görüb. İsmayıl işgəncələr barədə anasına danışıb. Qadın deyib ki, oğlu özünü asmaq istəyirmiş, ancaq onu vaxtında xilas elədilər, indi də damarını kəsib.
Onun sözlərinə görə, işgəncələr nəticəsində İ.Hüseynovun daxili orqanları zədələnib və böyrəklərindən əməliyyat olunub.
"Böyrəklərindən əməliyyat olundu, ancaq beynini, əsəblərini sakitləşdirə bilmirlər", - qadın deyib. -03B-
Cəmiyyət
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
-
Azərbaycanın Milli Hidrometeorologiya Xidməti fevralın 11-də ölkə ərazisində əsasən quru və soyuq hava şəraitinin müşahidə olunacağını, Bakıda və Abşeron yarımadasında isə arabir buludluluğun artacağını proqnozlaşdırıb.
-
Həmkarlar ittifaqına aid qeyri-hökumət təşkilatı olan “İşçi Masası Konfederasiyası”nın sədri Afiyəddin Məmmədov, Azərbaycanda sosial şəraitin pisləşməsi və vətəndaşların həbsi ilə bağlı etiraz əlaməti olaraq həbsxanada müddətsiz aclıq aksiyasına başlayıb, onun ailəsi cümə günü bildirib.
-
Abşeron rayonunun Xırdalan şəhərində yerləşən çoxmərtəbəli yaşayış binasında yanğın baş verib. Hadisə ilə bağlı Fövqəladə Hallar Nazirliyi (FHN) dərhal əraziyə qüvvələr cəlb edib, rəsmilər şənbə günü bildirib.
Rəy yaz