![Sergey Lavrov Azərbaycan və Ermənistan XİN rəhbərləri ilə Qarabağ münaqişəsini müzakirə edir](https://turan.az/resized/media/2019/main/041500018203-750-500-resize.webp)
Sergey Lavrov Azərbaycan və Ermənistan XİN rəhbərləri ilə Qarabağ münaqişəsini müzakirə edir
Moskva/15.04.19/Turan: Rusiyanın xarici işlər naziri Sergey Lavrov bazar ertəsi Moskvada azərbaycanlı və erməni həmkarları Elmar Məmmədyarov və Zöhrab Mnatsakanyanla görüş keçirir. Tərəflər Dağlıq Qarabağ nizamlanmasının perspektivlərini müzakirə edirlər, TASS bildirir.
Qapalı məsləhətləşmələr martın 29-da Vyanada Azərbaycan prezidenti İlham Əliyevlə Ermənistanın baş naziri Nikol Paşinyanın danışıqlarının yekunları ilə əlaqədar keçirilir.
Sonradan ATƏT-in Minsk Qrupunun həmsədrləri İqor Popov (Rusiya), Stefan Viskonti (Fransa) və Endrü Şofer (ABŞ) nazirlərə qoşulacaqlar.
Vyana raundunun əsas yekunları tərəflərin dinc nizamlanmaya dair birbaşa danışıqları davam etdirməyə hazır olmaları olub. Həmsədrlər qeyd etmişdilər ki, liderlər sülhə xidmət edən durumun yaradılmasının və münaqişənin dinc həllinin tapılması üçün danışıqlar prosesində gələcək konkret və nəzərəçarpacaq addımların atılmasının vacibliyini vurğulayıblar.
Bundan əlavə, İ.Əliyev və N.Paşinyan Dağlıq Qarabağ münaqişəsinin nizamlanması üzrə humanitar tədbirlər barədə razılığa gəliblər, atəşkəsin və birbaşa əlaqə mexanizminin təkmilləşdirilməsinin vacibliyini təsdiqləyblər.
Rusiya prezidenti Vladimir Putin də İ.Əliyev və N.Paşinyan ilə telefon söhbətlərində Vyana görüşünün yekunlarını müzakirə edib. Aprelin 2-də Kreml məlumat vermişdi ki, o, Bakı və Yerevan arasında danışıqlar prosesinin vacibliyini qeyd edib, həmçinin Moskvanın bundan sonra da Dağlıq Qarabağ probleminin, əsasən ATƏT-in Minsk Qrupu formatında dinc həlli yollarının axtarışına yardım göstərməyə hazır olduğunu bildirib. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz