Açiq mənbələrdən foto.
Bakı/20.03.23/Turan: Bu gün bir qrup heyvansevər sahibsiz itlərin güllələnməsilə əlaqədar Sumqayıt Şəhər İcra Hakimiyyətinin qarşısında etiraz aksiyası keçirib.
Azərbaycan Heyvanların Mühafizəsi İctimai Birliyinin rəhbəri Mansurov Fərid bildirib ki, gecə saatlarında Sumqayıtda kütəvi şəkildə sahibsiz itlər güllələnib. Onun sözlərinə görə, həmin itlər peyvəndlənib, qısırlaşdırılıb və tamamilə təhlükəsiz idi.
Heyvansevərlər güman edirlər ki, itlər mənzil-kommunal təsərrüfat birliyi tərəfindən güllələnib.
"Sumqayıt Şəhər İcra Hakimiyyətində bizə bildirdilər ki, bu işlə əlaqələri yoxdur və itləri kimin güllələdiyini bilmirlər. Bəs kim bilir? Düşünürəm ki, göstəriş verən elə İcra Hakimiyyətinin özüdür. Əli silahlı adamlar şəhərdə gəzir, polis də bunları tutmağa acizdir?", - Mansurov sözlərinə davam edib.
Sumqayıt Şəhər İcra Hakimiyyətindən toplaşanlara bildiriblər ki, qurumun hadisəyə heç bir aidiyyatı yoxdur.
Daxili İşlər Nazirliyindən şərh almaq mümkün olmayıb.06В
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz