Açiq mənbələrdən foto.
Bakı/26.05.20/Turan: Siyasi Məhbusların Monitorinq Mərkəzi (SMMM) Mingəçevir şəhərində hüquq müdafiəçilərinə və jurnalistlərə qarşı davam edən təzyiqləri pisləyib.
“Əgər əvvəllər repressiya tədbirləri güc qurumları tərəfindən həyata keçirilirdisə, indi fəalların və jurnalistlərin təqib olunmasının rüsvayçı praktikasına yerli məmurlar qoşulub”, - deyə SMMM-in rəhbəri Elşən Həsənov bildirib.
O, “Yüksəliş naminə” saytının redaktor müavini, hüquq müdafiəçisi Elçin Həsənzadənin sıxışdırıldığını qeyd edib.
“Şəhər kommunal təsərrüfatı rəhbəri Şəhriyar Mustafayevin tapşırığı ilə Elçin Həsənzadə “radikal” jurnalist kimi şəhərdə sıxışdırılır.
E.Həsənzadənin sözlərinə görə, kirayədə qaldığı mənzilin sahibinə təzyiq göstərilir ki, onu mənzildən çıxarsın. Jurnalist 102 saylı telefonla DİN-ə müraciət edib, amma əbəs yerə. Mənzil İdarəsinin rəhbərliyi E.Həsənzadənin həyat yoldaşının valideynlərinə də analoji təzyiq göstərib”, - hüquq müdafiəçisi bildirib.
Məmurların hərəkətləri cinayət məsuliyyətinə səbəb olur. İndiki halda Konstitusiyanın 31-ci maddəsi (təhlükəsiz yaşamaq hüququ) pozulub. Hüquq-mühafizə orqanları təhlükəsizliyi təmin etməli və günahkarları cəzalandırmalıdırlar, SMMM-in bəyanatında deyilir.
SMMM həmçinin xatırladır ki, “Yüksəliş naminə” saytının rəhbəri Elçin Məmməd bu ilin martında uydurma cinayət ittihamı ilə həbs edilib ki, beynəlxalq təşkilatlar bunu pisləyiblər. *SMMM 2014-cü ilin payızında bir qrup “vicdan məhbusu” tərəfindən yaradılıb.–06D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz