Saleh Rüstəmov
Bakı/01.12.21/Turan: Saleh Rüstəmlinin vəziyyəti ağır olaraq qalır, bu barədə onun vəkili Bəhruz Bayramov bildirib.
"Tibbi nəzarət var: analizlər götürülür, təzyiqi ölçülür", - vəkil deyib.
Onun sözlərinə görə, noyabrın 30-da hüquq müdafiəçiləri Novella Cəfəroğlu, Səidə Qocamanlı, Səadət Bənənyarlı və Ədliyyə Nazirliyi yanında İctimai Müşahidə Komitəsinin rəhbəri Əliməmməd Nuriyev Saleh Rüstəmliyə baş çəkiblər.
"Hüquq müdafiəçiləri Salehdən aclığı dayandırmağı xahiş ediblər. Ancaq o imtina edib və məcburi qidalanmaya imkan verməyəcəyini bildirib", - vəkil deyib.
Hələ ki hakimiyyət ziyalıların, qeyri-hökumət təşkilatları nümayəndələrinin, siyasi partiya və beynəlxalq təşkilatların rəhbərlərinin Rüstəmlinin azad edilməsinə çağıran çoxsaylı müraciətlərinə reaksiya vermir.
Öz növbəsində hüquq müdafiəçisi Novella Cəfəroğlu Turan-a bildirib ki, Rüstəmli 15 kiloqram çəki itirib.
"Biz aclığın orqanizm üçün ciddi fəsadlara səbəb olacağından narahatıq", - Cəfəroğlu deyib və qeyd edib ki, onlar artıq ölkə prezidentinə müraciət ediblər.
"Biz prezidentin köməkçisi Fuad Ələsgərovla görüşməyə və Rüstəmlinin amnistiyaya düşməsi üçün ittihamların yumşaldılmasına nail olmağa çalışırıq.
Saleh Rüstəmli ləyaqətli insandır. Biz onun və digər siyasi məhbusların azad edilməsini istəyirik ki, ölkə beynəlxalq tənqidlərə məruz qalmasın", - Cəfəroğlu deyib.
*Azərbaycan Xalq Cəbhəsi Partiyasının tərəfdarı Saleh Rüstəmli 2018-ci ilin mayında həbs edilib və " Azərbaycan Xalq Cəbhəsi Partiyasının qanunsuz maliyyələşdirilməsi" adlanan iş üzrə 7 il 3 ay müddətinə azadlıqdan məhrum edilib. Hüquq müdafiəçiləri onu siyasi məhbus kimi tanıyıblar. Sonradan Ali Məhkəmə cəza müddətini 2 ay azaldıb. Noyabrın 6-dan azadlıq tələbilə müddətsiz aclıq edir. —03В06-
Cəmiyyət
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
-
Azərbaycan 2025-ci ili qədim ənənələrin və müasir bayramların rəngarəng qarışığı ilə qarşıladı. Bu tədbirlər xalqın zəngin mədəni irsini və gələcəyə yönəlmiş arzularını əks etdirdi. Geniş ailə süfrələrindən parlaq ictimai tədbirlərə qədər qeyd etmələr keçmişlə indinin unikal sintezini nümayiş etdirdi.
-
2025-ci ilə qədəm qoyduqca, dünya müxtəlif sahələrdə əhəmiyyətli inkişaflarla qlobal mənzərəmizi yenidən formalaşdırmağa hazır olan həlledici bir mərhələdə dayanır.
-
Avstraliyalı demoqraf və sosioloq Mark Makkrindl “Beta Nəsli”nin yaranmasını təsvir edib — o, bu demoqrafik qrupu 2025-2039-cu illər arasında doğulan insanlar kimi müəyyənləşdirərək, qlobal nəsil kimliyində yeni bir fəsil açıldığını vurğulayıb.
Rəy yaz