Hüquq müdafiəçiləri siyasi məhbusun ailəsinə təzyiqi pisləyiblər

Bakı/01.07.23/Turan: "Sərhədsiz Təqiblər və Repressiya Qurbanlarının Müdafiəsi Komitəsi" Almaniyadan deportasiya olunduqdan sonra Azərbaycanda həbs olunmuş fəal Samir Aşurovun həyat yoldaşı Nuranə Aşurovaya təzyiqi pisləyən bəyanat yayıb.

Bəyanatda xatırladılır ki, Real Alternativ Hərəkatının üzvü olan Samir Aşurov Azərbaycanda dəfələrlə inzibati həbslərə məruz qalıb və 2018-ci ildə cinayət təqibindən qaçmaq üçün Almaniyaya mühacirət edib. Orada o, siyasi fəaliyyətini davam etdirib və Azərbaycanda insan hüquqlarının pozulmasına qarşı etiraz aksiyalarında iştirak edib. Azərbaycanda təqib təhdidlərinə baxmayaraq, AFR ona sığınacaq verməkdən imtina edib və 2022-ci ilin martında beynəlxalq konvensiyaları pozaraq, onu Azərbaycana deportasiya edib. 

Həmin il o, diktatorun tanınması aksiyasında fəal iştirak edib və bu aksiyada iştirak etdiyinə görə 30 sutka inzibati həbs cəzası alıb. Bu həbsdən sonra Samir Aşurov siyasi məhbusların azadlıq aksiyasını təşkil etdiyinə görə yenidən inzibati qaydada 2 ay müddətinə həbs edilib. Siyasi baxışlarına görə ölkədə təqib təhlükəsi və çoxsaylı inzibati həbslər səbəbindən Samir Aşurov 2018-ci ilin sentyabrında Almaniyaya mühacirət edib. O, həmin ölkədən siyasi sığınacaq istəsə də, Almaniya Miqrasiya Departamenti Samir Aşuorv və ailə üzvlərinin müraciətini rədd edib. Onlar Azərbaycan və Avropa İttifaqı arasında 2014-cü ildə Brüsseldə imzalanmış readmissiya sazişi əsasında Azərbaycana deportasiya ediliblər. Bir aydan qısa müddətdə onu insan uydurma sağlamlığına xəsarət yetirmə ittihamı ilə həbs ediblər. 

Komitə xatırladır ki, digər fəallar - Mütəllim Orucov, Cəfər Mirzəyev, Pünhan Kərimli, Ziya İbrahimov, Emin Məlikov, Malik Rzayev də AFR-dən deportasiya olunduqdan sonra həbs ediliblər.

Daha sonra bəyanatda həyat yoldaşının və digər fəalların həbsinə etiraz aksiyası keçirən Samir Aşurovun həyat yoldaşı Nuranə Aşurovaya qarşı təzyiqə toxunulur. 

"Bununla əlaqədar onun telefonuna müntəzəm olaraq təhdid və etirazlarda iştiraklara son qoymaq tələbləri ilə mesajlar daxil olub. İyunun 22-də onun kirayədə qaldığı mənzilə polis əməkdaşları gəlib, ona müxtəlif suallar verib. Polislər getdikdən sonra mənzil sahibi kirayə haqqının həddindən artıq artırıldığını bildirərək, Aşurovanı iki azyaşlı uşaqla mənzili boşaltmaq zərurəti qarşısında qoyub", deyə komitənin bəyanatında bildirilir və bu faktlar siyasi məhbusun ailəsinə təzyiq kimi qiymətləndirilir.

Bəyanatda həmçinin qeyd edilir ki, N.Aşurova komitənin üzvüdür və fəal şəkildə hüquq müdafiə fəaliyyəti ilə məşğul olur.

Bəyanatın sonunda hakimiyyətə siyasi fəallara, onların ailə üzvlərinə və müdafiəçilərinə təzyiqə son qoymaq tələbi yer alır.

"Sərhədsiz Təqiblər və Repressiya Qurbanlarının Müdafiəsi Komitəsi" 2022-ci ilin iyununda bir qrup hüquq müdafiəçisi, fəal və siyasi məhbusların ailə üzvləri tərəfindən təsis edilib. komitə Tibilisidə fəaliyyət göstərən "Hüquq və Azadlıqların Müdafiəsi İnstitutu"nun tərkibində, hüquq müdafiəçisi Avtandil Məmmədovun rəhbərliyi altında fəaliyyət göstərir. 06B