Огтай Гюлалыев
Bakı/06.05.19/Turan: Hüquq müdafiəçisi Oqtay Gülalıyev mayın 6-da səhər DİN Baş Cinayət Axtarışı İdarəsinə çağırılıb.
"Mənimlə Baş Cinayət Axtarışı İdarəsinin rəisi Arzu Daşdəmirov və idarənin digər əməkdaşları söhbət etdilər. Görüş normal şəraitdə keçdi. Onlar mənim Facebook səhifəmdə repressiya və işgəncələr barədə yazdığım statuslarla bağlı narahatlıqlarını bildirdilər", - hüquq müdafiəçisi Turan agentliyinə bildirib.
Bundan əlavə, polisi O.Gülalıyevin "Gəncə işi" ilə bağlı yazıları maraqlandırıb.
"Mən "Gəncə işi" ilə bağlı valideynlərin müraciətini və bu iş üzrə işgəncə faktlarının araşdırılmasını onların diqqətinə çatdırdım", - o qeyd edib.
Son vaxtlar O.Gülalıyev "Gəncə işi" ilə bağlı məhkəmələrdə səsləndirilən işgəncə faktlarının araşdırılması ilə bağlı çoxsaylı statuslar yazıb. Hüquq müdafiəçisi faktların araşdırlmasını, hüquqi qiymət verilməsini tələb edir.
* 2018-ci il iyulun 3-də Gəncə Şəhər İcra Hakimiyyətinin başçısı Elmar Vəliyevə və bir polis serjantına silahlı sui-qəsd olub, onlar güllə yarası alıblar. Sui-qəsdi törədən əslən Gəncədən olan Yunis Səfərov həbs edilib.
Bundan sonra sosial şəbəkələrdə iyulun 10-na Gəncə administrasiyasının qarşısında E.Vəliyevin işinə etiraz olaraq aksiya təyin edilib.
İyulun 10-da axşam DİN Gəncədə iğtişaşlar barədə məlumat yayıb. Hadisələr zamanı iki polis əməkdaşı öldürülüb.
Bunun ardınca dindarlar arasında kütləvi həbslər baş verib. 70-dən çox adam cinayət məsuliyyətinə cəlb edilib. Silahlı müqavimət zamanı 6 nəfər öldürülüb.
Ümumilikdə 25 nəfərdən ibarət üç qrup üzrə hökm oxunub. Onlar kütləvi iğtişaşlarda iştiraka və polis əməkdaşlarına qarşı zorakılığa görə 5 ildən 8 ilədək azadlıqdan məhrum ediliblər. 03B06-
Cəmiyyət
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
-
Talış tarixinin tədqiqatçısı, həbsdə olan İqbal Əbilovun "Fraqmentlər" adlı qısametrajlı filmi daha bir beynəlxalq kinofestivalda ən yaxşı filmlər siyahısına daxil edilib.
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
Rəy yaz