Bakı/28.03.21/Turan: Həbsdə saxlanılan hüquq müdafiəçisi Elçin Məmmədin səhhəti pisləşib. Bu barədə onun rəhbərlik etdiyi Sumqayıt Gənclərinin Hüquqi Maarifləndirilməsi Cəmiyyəti məlumat verib.
Apellyasiya Məhkəməsinin Elçin Məmmədin oğurluq ittihamı ilə 4 il müddətinə azadlıqdan məhrum edilməsi haqqında hökmü təsdiq edən qərarından sonra o, 14 saylı cəzaçəkmə müəssisəsinə köçürülüb.
Məmmədin səhhətində problemlər yaranıb, ayaqları şişib, yeriməyə çətinlik çəkir. Bundan başqa, Məmməd hepatit C xəstəsidir.
Bir ildir həbsdə saxlanılması onun səhhətinə mənfi təsir göstərib.
Məmməd həbsini hüquq müdafiə fəaliyyəti ilə əlaqələndirir və uydurma cinayət işi üzrə özünü təqsirli bilmir, deyə cəmiyyətin press-relizində qeyd edilir.
O, həmçinin pozulmuş hüquqlarının bərpası haqqında ərizə ilə Avropa İnsan Hüquqları Məhkəməsinə müraciət edib.
2020-ci il oktyabrın 17-də Sumqayıt şəhər məhkəməsi Məmmədi "oğurluqda" və "qanunsuz silah saxlamaqda" təqsirli bilərək, 4 il müddətinə azadlıqdan məhrum edib.
Hüquq müdafiəçisi 2020-ci ilin martında həbs edilib. Ondan şikayət edən hüquqi yardım göstərdiyi qadın olub. Bundan əvvəl elə həmin qadın kriminal.az saytının redaktoru Anar Məmmədovdan şikayət etmişdi.
Məmməd hesab edir ki, onun saxta ittihamla təqibi prezident İlham Əliyevin korrupsiyaya qarşı mübarizə siyasətinə və onun məhkəmə-hüquq sistemində islahatlarla bağlı təşəbbüslərinə ziddir.
Beynəlxalq təşkilatlar - Amnesti İnterneyşnl, PEN, FİASAT və digərləri Məmmədin həbsini pisləyib.
Yerli hüquq müdafiəçiləri onu siyasi məhbus kimi tanıyıblar. -06B06-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz