Bakı/24.04.19/Turan: Bakının tarixi hissəsində İçərişəhərdə yenidən obyektlərin tikintisi aparılır.
Dünya mədəni irsi obyekti kimi UNESCO- tərəfindən qorunan İçərişəhərin Qala divarlarının yanında çəkilmiş fotolarda kərpic, sement qalaqları, hətta yarıyadək inşa edilmiş tikinti görünür. Çox güman ki, bu da restoran olacaq.
Mədəniyyət Nazirliyi və "İçərişəhər" Dövlət Tarix-Memarlıq Qoruğu tikintiyə, həmçinin bununla bağlı jurnalistlərin və ictimaiyyətin müraciətlərinə heç bir reaksiya vermirlər. Mədəniyyət Nazirliyi ancaq bu bəyanatla kifayətlənib ki, İçərişəhər dünya mədəni irsi siyahısından çıxarılmayıb. Belə olduğu halda, sual yaranır: tikintiyə kim icazə verib?
Bir neçə il öncə İçərişəhər ərazisində geniş miqyasda tikinti aparılırdı, tarixi abidələr sökülürdü. Sonuncu belə obyekt "Four seasons" oteli olub. Tikinti nəticəsində Qala divarının bir hissəsi sökülüb. Sonradan şəhərin tarixi hissəsində kommersiya obyektlərinin tikintisi dayandırıldı.
Hazırda tikinti bərpa edilib və görünür, bu barədə qərar yuxarıdan verilib. 21B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz