Bakı/24.04.19/Turan: Azərbaycanda su çiçəyinə qarşı peyvənd yoxdur. Bu barədə bu gün Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva bildirib. Onun sözlərinə görə, başqa ölkələrdə su çiçəyinə qarşı peyvənd edilir.
A.Əliyeva güman edir ki, bəlkə qarşıdakı illərdə Azərbaycanda bu xəstəliyə qarşı peyvəndləmə aparılacaq.
O qeyd edib ki, 2018-ci ildə 15 870 nəfər Azərbaycan vətəndaşı su çiçəyinə yoluxub.
"Bu yaxınlara qədər Azərbaycanda su çiçəyinə qarşı peyvəndləmə aparılırdı. Lakin məlum olmayan səbəblərdən hazırda bu, edilmir", - öz növbəsində tibb elmləri doktoru, professor Adil Qeybulla Turan-ın müxbirinə bildirib.
Onun sözlərinə görə, UNİSEF-in proqramına uyğun olaraq hər bir uşaq müəyyən yaşa çatdıqda vaksinasiya və immunizasiyadan keçməlidir. Məhz bu immunizasiyanın nəticəsidir ki, bütün dünyada infeksion xəstəliklərin sayı kəskin azalıb. "Uşaqlar vərəm, skarlatina, difteriya, su çiçəyi, qızılca və s. xəstəliklərə qarşı peyvənd olunmalıdır. Bütün bunlar həmin xəstəliklərə qarşı immunitetin möhkəmləndiriləmsi üçün edilir", -A.Qeybulla bildirib.
Ekspertin sözlərinə görə, dövlət infeksion xəstəliklərə qarşı bütün mübarizə metodlarından, o cümlədən vaksinasiyadan istifadə etməlidir. Vaksinasiya olmadan mümkün deyil və bu problem həll olunmalıdır, o vurğulayıb.-21B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz