Bakı/03.09.19/Turan: Abşeron rayon Məhkəməsi sentyabrın 3-də ictimai fəal Rafael Hüseynzadəni 30 sutka inzibati həbsə məhkum edib. Bu barədə Turan-a onun atası, Azərbaycan Xalq Cəbhəsi Partiyasının (AXCP) fəalı Füzuli Hüseynov bildirib.
Gənci polis Abşeron rayon polis idarəsinin qarşısında "səs-küy salaraq" ictimai qaydanı pozmaqda ittiham ediblər.
F.Hüseynov oğlunun Abşeron rayon Polis İdarəsinin saxlanma yerində saxlanıldığını deyib. Amma, onun sözlərinə görə, orada uzun müddət saxlanılma üçün şərait yoxdur.
F.Hüseynovun fikrincə, oğlunun həbsinə avqustun sonlarında Bakının Nəsimi rayonunda təkbaşına aksiya keçirməsi səbəb olub.
Gənc polis süründürməçiliyinə və işə qəbul edilməməsinə etiraz edib.
"Oğlum bir ay öncə Abşeron rayonunun Məhəmmədli kəndində təzyiqə məruz qalıb, xəsarət alıb. O, polisə şikayət edib. Şikayətinə baxılmayıb. Avqustun sonlarında Rafael etiraz aksiyası keçirdikdən sonra, sentyabrın 2-də sahə müvəkkili onu zərərçəkən qismində Abşeron rayon Polis İdarəsinə dəvət edib. Rafael polisə gəldikdə saxlanılıb və məhkəməyə aparılıb, barəsində inzibati həbs qərarı verilib", deyə F.Hüseynov bildirib.
O, oğlunun konkret olaraq nədə ittiham olunduğunu bilmir. Polis idarəsindən ona yalnız oğlunun 30 günlük həbs edildiyini bildiriblər.
F.Hüseynov yaxın günlərdə oğluna baş çəkmək və məsələnin təfsilatını aydınlaşdırmaq niyyətindədir.
Yanvarın 25-də və martın 2-də R.Hüseynzadə artıq 30 günlük inzibati həbsə məhkum edilib. O, yanvarın 25-də Bakının mərkəzində siyasi məhbuslara azadlıq tələbi ilə təkbaşına aksiya keçirdiyinə görə saxlanıldığını və 30 günlük həbs edildiyini hesab edir.
Azad edildikdən bir neçə gün sonra onu yenidən 30 gün müddətinə həbs ediblər.
F.Hüseynov özü də təkbaşına piketlər keçirdiyinə görə bir neçə dəfə saxlanılıb və həbs edilib. -03B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz