Bakı/12.07.23/Turan: İyulun 12-də gecə saatlarında saxlanılan ictimai fəal Lətif Məmmədov sərbəst buraxılıb. Bu barədə Turana L.Məmmədovun özü məlumat verib.
Fəalın sözlərinə görə, mülki geyimli şəxslər onu oğurlayıb apardılar: "Aldadıblar ki, başqa adamla səhv salıblar məni, maşına mindirib Nəsimi Rayon Polis İdarəsinə aparıblar".
L.Məmmədov bildirib ki, onun saxlanılmasının səbəbi "Meydan TV"-nin İlham Əliyevin Söyüdlü ilə bağlı paylaşımına yazdığı tənqidi şərh olub.
Fəal qeyd edib ki, polis idarəsində ona mənəvi təzyiq göstəriblər, sonra poliə müqavimət etdiyi barədə protokola qol çəkdirib 100 manat məbləğində cərimələyib buraxıblar.
Məsələ ilə bağlı Daxili İşlər Nazirliyindən münasibət öyrənmək mümkün olmayıb.-0-
Cəmiyyət
-
3 dekabrda dünyada Beynəlxalq Əlillər Günü qeyd edildiyi üçün diqqət Azərbaycandakı vəziyyətə yönəlir. Ölkədə məhdud imkanlara malik adamların üzləşdiyi problemlərin həlli istiqamətində səylər göstərilir. 1992-ci ildə Birləşmiş Millətlər Təşkilatı tərəfindən təsis edilmiş bu gün əlillərin hüquqlarının müdafiəsinə və ictimai həyatın müxtəlif sahələrində onların qarşılaşdıqları maneələr barədə məlumatlandırılmasına yönəlib.
-
Qərbi Azərbaycan icmasının yaydığı kəskin bəyanatda belə deyilir: “Fransız-alman Arte kanalının hazırladığı reportajda Qarabağdan olan ermənilərin Ermənistanın güclənib “Qarabağı geri alacağı” və “bütün türkləri öldürəcəkləri”barədə xəbis xülyaları yer almışdır. Bu, bir daha ermənilərin məhz Azərbaycana qarşı etnik nifrətə, Azərbaycan bayrağı altında yaşamaq istəmədiklərinə görə Qarabağdan getdiklərini sübut edir.
-
Bazar günü, dekabrın 3-də Bakıda ilin bu dövrü üçün anormal isti gözlənilir. Sinoptiklərin proqnozuna görə, paytaxtda havanın temperaturu 22 dərəcəyə qədər isinəcək.
-
Baş Prokurorluğun vəsatəti əsasında Gürcüstanın Baş Prokurorluğu tərəfindən "Mülki, ailə və cinayət işləri üzrə hüquqi yardım və hüquqi münasibətlər haqqında" 22.01.1993-cü il tarixli Konvensiyanın tələblərinə uyğun olaraq Azərbaycan Respublikasının vətəndaşı İbadov Elxan Əhliyyət oğlunun ekstradisiyası haqqında qərar qəbul olunub.
Rəy yaz