Açiq mənbələrdən foto.
Bakı/14.02.22/Turan: "İdeal" mağazalar şəbəkəsinin keçmiş sahibi İlqar İsmayılov 6 il azadlıqdan məhrum edilib. Bu barədə fevralın 14-də Bakı Ağır Cinayətlər Məhkəməsi hökm çıxarıb.
İsmayılov CM-in 179.3.2 (böyük ölçüdə vəsaiti mənimsəmə) və 308.2-ci (vəzifə səlahiyyətlərindən sui-istifadə, ağır nəticələrə gətirib çıxardıqda) maddələri ilə təqsirli bilinib.
İstintaq İsmayılovu 2011-2017-ci illərdə firmanın 680 min manat vəsaitini mənimsəməkdə ittiham edib.
İsmayılov təqsirini etiraf etməyib, işin uydurma olduğunu iddia edib. O, şərikinin - AZAL prezidentinin həyat yoldaşı Zərifə Həmzəyevanın firmanı ələ keçirmək istədiyi üçün təqib edildiyini iddia edib. Həmzəyeva həm də "Gazelli Group"un prezidenti və "Premium Bank"ın həmtəsisçisidir.
İsmayılov son sözündə bildirib ki, 2018-ci ildə ona qarşı eyni maddələrlə cinayət işi açılmışdı, amma bu işə xitam verilmişdi. İsmayılov hüquqlarının bərpasını tələb etdikdən sonra cinayət işi yenidən açılıb.
Buna qədər Həmzəyeva İsmayılovun CM-in 147 (böhtan) və 148-ci (təhqir) maddələri ilə məsuliyyətə cəlb edilməsini tələb etmişdi, amma məhkəmə onun iddiasını təmin etməyib. -16D06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz