![İ.Əliyev Nazirlər Kabinetinin "meşə cərimələri haqqında" qərarını ləğv edib (yenilənib)](https://turan.az/resized/media/2019/main/020600016610-750-500-resize.webp)
İ.Əliyev Nazirlər Kabinetinin "meşə cərimələri haqqında" qərarını ləğv edib (yenilənib)
Bakı/06.02.19/Turan: Ölkə prezidenti İlham Əliyevin müdaxiləsindən sonra Nazirlər Kabinetinin meşə massivlərində yabanı meyvələrin yığılmasına görə cərimələrin artırılması haqqında qərarı ləğv edilib.
Dövlət başçısı çoxsaylı müraciətləri nəzərə alaraq, bu qərarı ləğv edib, bu barədə rəsmi məlumatda deyilir.
Xatırladaq ki, Nazirlər Kabineti yanvarın 19-da meşələrdə yabanı meyvələrin qanunsuz yığılmasına görə cərimələri artırıb. -06D-
* * *
2019 Fevral 06 (Çərşənbə) 17:39:36
Meşə sərvətlərinin tədarükünə görə cərimə artırılıb
Bakı/06.02.19/Turan: Azərbaycanda qadağan edilən sahələrdə meşə sərvətlərinin tədarükü və yığılması nəticəsində meşə təsərrüfatına vurulmuş zərərə görə ödənişlər müəyyənləşib.
Belə ki, Nazirlər Kabinetinin "Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında" qərarına dəyişikliklər edilib.
Yabanı (cır) meyvələrin (alma, armud, zoğal, alça və s.) hər kiloqramına görə 1 manat, peyvənd meyvələr (alma, armud, zoğal, alça və s.) hər kiloqramına görə 2 manat, itburnunun hər kiloqramına görə 2 manat, çaytikanının hər kiloqramına görə 3 manat, digər dərman bitkilərinin hər kiloqramına görə 2 manat, şabalıd və fındığın hər kiloqramına görə 2 manat, qozun hər kiloqramına görə 2 manat, fıstıq toxumunun 1.5 manat, palıdın hər kiloqramına 1 manat, cökənin hər kiloqramına görə 1.5 manat ödəniş nəzərdə tutulur.
Bundan başqa, qamış, qarğı, meşə döşənəyi və tökülmüş yarpaqların hər kubmetrinə 50 qəpik ödəniş olmalıdır.
Qaydalar Nazirlər Kabinetinin 2004-cü il tarixli 145 saylı qərarı ilə təsdiq edilib. Bununla da cərimələrin əvvəlki ölçüsü üç dəfə artırılıb.
Ekologiya Nazirliyində bunu meşə təsərrüfatının müdafiəsinin qayğısına qalınması ilə əsaslandırırlar. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz