Bakı/21.08.19/Turan: Azərbaycan Xalq Cəbhəsi Partiyası (AXCP) iki gənc fəal - Səhlədar İsgəndərli və Vilayət Məmmədovun inzibati qaydada həbs edildiyi barədə məlumat yayıb. Hər iki gənc avqustun 20-də saxlanılıb, bu barədə Turan-a AXCP gənclər komitəsinin sədri Emil Səlim bildirib.
Onun sözlərinə görə, Məmmədov elə həmin gün 30 gün inzibati həbsə məhkum edilib. AXCP-də Məmmədovun konkret olaraq nədə ittiham olunduğunu bilmirlər. Amma həbsin onun Facebook-dakı yazıları ilə bağlı ola biləcəyini ehtimal edirlər, belə ki, saxlanıldıqdan sonra fəalın bir sıra nəşrləri silinib.
İsgəndərliyə gəlincə, o, 60 günlük həbs edilib. Onun da nədə ittiham olunduğu aydın deyil.
AXCP-də əmindirlər ki, İsgəndərlinin həbsi avqustun 19-da Bakının mərkəzində təkbaşına keçirdiyi etiraz aksiyası ilə bağlıdır. Səlimin sözlərinə görə, hər iki fəalın həbsindən şikayət veriləcək.
DİN-dən fəalların həbsi ilə bağlı şərh almaq mümkün olmayıb. -06B-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz