Açiq mənbələrdən foto.
İki vergi işçisi rüşvət alarkən həbs olunub
Bakı/24.08.20/Turan: Baş Prokurorluğun Korrupsiyaya Qarşı Mübarizə İdarəsinin əməkdaşları iki vergi xidməti işçisini rüşvət alarkən həbs ediblər. Belə ki, Kiçik Sahibkarlıqla İş Baş İdarəsinin Operativ Vergi Nəzarəti İdarəsinin baş vergi inspektoru Azər Allahverdiyev və həmin xidmətin Nərimanov idarəsinin inspektoru Cahid Tahirov çörəkbişirmə sexinin sahibindən 6 min manat alarkən saxlanılıblar. Pul cari ildə vergi yoxlamasından qaçmaq üçün verilib.
Fakt üzrə cinayət işi açılıb, A.Allahverdiyev və C.Tahirov mütəşəkkil qrup tərəfindən rüşvət almaq ittihamı ilə həbs olunublar.
İstintaq müəyyən edib ki, həmin vergi işçiləri yoxlama aparmamaq üçün bundan öncə də çörəkbişirmə sexinin sahibindən pul tələb ediblər.
Avqustun 21-də ibtidai istintaq başa çatdırılaraq Bakı Ağır Cinayətlər Məhkəməsinə göndərilib. Bu barədə Baş Prokurorluq məlumat verib.-02D-
-
- Maliyyə
- 24 Avqust 2020 15:40
Cəmiyyət
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
Rəy yaz