Bakı/22.01.20/Turan: İmişli Şəkər Zavodunun fəaliyyəti demək olar ki, dayandırılıb və 500 nəfərə yaxın adam məzuniyyətə göndərilib.
Bu barədə Turana zavodun mühəndisi Elsevər Muradov məlumat verib. Onun sözlərinə görə, zavodun fəaliyyəti bir aydan çoxdur dayandırılıb. "Zavodun fəaliyyətinin dayandırılmasının səbəbi şəkərin Rusiyadan alıb ucuz qiymətə ölkənin bazarında satılmasıdır. Bilmirəm, bu vəziyyət kimə lazımdır, amma zavodun fəaliyyəti demək olar ki, çöküb. İş orasındadır ki, anbarlar hazır malla dolu ola-ola bizim işləməyimizin mənası yoxdur. Ona görə, işçilər məzuniyyətə buraxılıb.
Muradov qeyd etdi ki, işçilərə pul ödənildi. "Kimin məzuniyyəti qalmışdısa, onlar tam şəkildə əməkhaqını aldılar, kim öz hüququndan istifadə etmişdisə onlara yalnız 60% ödənildi. Amma belə davam etsə, insanlar çətin duruma düşəcək".
Mühəndis əlavə etdi ki, zavodun işçilərini İmişli Rayon İcra Hakimiyyətinə dəvət ermişdilər. "Bizi dəvət edib durumla maraqlandılar. Görüşün sonunda razılığa gəlinib ki, zavodun bağlanması və işçilərin ixtisara salınması prosesi bir həftəlik dayandırılacaq. İcra Hakimiyyəti məsələ ilə bağlı ölkə rəhbərliyinə məruzə edəcək. Məsələ həll olunmasa ölkədə yeganə şəkər istehsal edən zavod bağlanacaq".
Muradodov həmçinin bildirdi ki, zavodun işçiləri bu gün rayonun mərkəzində aksiya keçirmək üçün toplaşıb. "Lakin İcra Hakimiyyəti bizə söz verdiyinə görə işçilər aksiya keçirmədən evə getdilər".
Məsələ ilə bağlı İmişli Şəkər Zavodundan və İmişli Rayon İcra Hakimiyyətindən münasibət öyrənmək mümkün olmayıb.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz