Açiq mənbələrdən foto.
Bakı/09.01.23/Turan: Azərbaycanda omikronun yeni ştammının yayılmasının təsdiqi yoxdur. Bu barədə Azərbaycan Səhiyyə Nazirliyinin mütəxəssis- infeksionisti Təyyar Eyvazovun nazirliyin saytında dərc olunmuş müsahibəsində deyilir.
Ümumiyyətlə, onun sözlərinə görə, artıq 30-a yaxın ölkədə geniş yayılmış “Omicron XBB.1.5” ştammı ilə xəstəlik əksər hallarda asanlıqla keçir.
Bununla belə, infeksionist koronavirusa qarşı immuniteti olmayan və ya immuniteti zəif olan şəxslərə, eləcə də ağır xroniki xəstəlikləri olan şəxslərə, yaşlılara diqqətli olmağı tövsiyə edir.
Risk qrupunda olan şəxslər təması azaltmalı, peyvənd və təkrar peyvənd olunmalıdır.
Eyvazov həmçinin donuz qripinə (H1N1) yoluxma ilə bağlı təsdiqlənmiş halların olmadığını bildirib.
Onun sözlərinə görə, son günlər əhali arasında hərarət, baş ağrıları, ümimi zəiflik, boğazda ağrılar, öskürək, burun axması və ya tutulması kimi əlamətlərlə müşayiət olunan çoxsaylı xəstələnmə hallarına rast gəlinir.
Son 3 ildə infeksiyadan qorunmaq üçün əhali arasında formalaşan “koronavirus davranışı”na, yəni təmasların sayının məhdudlaşdırılması, qapalı məkanlarda, ictimai nəqliyyatda maskanın geyilməsi, əl və respirator gigiyena qaydalarına əməl olunması, otaqların tez-tez havalandırılması, düzgün qidalanma və sağlam həyat tərzi vərdişlərinə əməl etmək lazımdır. Risk qrupuna daxil olan şəxslərin qripə qarşı peyvənd olunması tövsiyə olunur. 16В06
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz