
"İnqilabın Səsi" platformasının üzvü Məhərrəm Əkbərovun həbs olunub
Bakı/15.07.23/Turan: İyulun 15-də Türkiyənin Orta Doğu Texnik Universitetinin (ODTÜ) tələbəsi Məhərrəm Əkbərovun Xırdalanda, yaşadığı evin yaxınlığında saxlanıldığı bildirilir. Bu barədə sosialist fəalın yaxınları Amerikanın Səsinə məlumat verib.
"Demokratiya 1918" Hərəkatının üzvü Afiəddin Məmmədov bildirib ki, Məhərrəm Əkbərov Türkiyədəki Sosialist Əməkçilər Partiyasının tərkibindəki "İnqilabın Səsi" platformasının üzvüdür:
"Platforma Gədəbəyin Söyüdlü kəndindəki hadisələrlə bağlı müxtəlif paylaşımlar edib. Fəalın Bakı Şəhər Baş Polis İdarəsinin mülki əməliyyatçıları tərəfindən aparıldığı bildirilir, amma ailəsinə heç bir məlumat verilmir. Onun hansı səbəbdən saxlanıldığı haqda məlumat yoxdur".
Dostları onun saxlanılmasının siyasi olduğunu deyirlər.
Daxili İşlər Nazirliyinin mətbuat xidmətinin müvəqqəti rəisi Elşad Hacıyev Amerikanın Səsinə bildirib ki, Məhərrəm Əkbərova 30 sutka inzibati həbs cəzası verilib. Hacıyev fəalın hansı maddə ilə ittiham olunduğu barədə məlumatının olmadığını qeyd edib.
Elektron Məhkəmə Sistemində Məhərrəm Əkbərova Xətai Rayon Məhkəməsinin qərarına əsasən İnzibati Xətalar Məcəlləsinin 510-cu və 535.1-ci maddələri ilə 1 ay inzibati həbs cəzası verildiyi yazılıb.—06В-
Cəmiyyət
-
3 dekabrda dünyada Beynəlxalq Əlillər Günü qeyd edildiyi üçün diqqət Azərbaycandakı vəziyyətə yönəlir. Ölkədə məhdud imkanlara malik adamların üzləşdiyi problemlərin həlli istiqamətində səylər göstərilir. 1992-ci ildə Birləşmiş Millətlər Təşkilatı tərəfindən təsis edilmiş bu gün əlillərin hüquqlarının müdafiəsinə və ictimai həyatın müxtəlif sahələrində onların qarşılaşdıqları maneələr barədə məlumatlandırılmasına yönəlib.
-
Qərbi Azərbaycan icmasının yaydığı kəskin bəyanatda belə deyilir: “Fransız-alman Arte kanalının hazırladığı reportajda Qarabağdan olan ermənilərin Ermənistanın güclənib “Qarabağı geri alacağı” və “bütün türkləri öldürəcəkləri”barədə xəbis xülyaları yer almışdır. Bu, bir daha ermənilərin məhz Azərbaycana qarşı etnik nifrətə, Azərbaycan bayrağı altında yaşamaq istəmədiklərinə görə Qarabağdan getdiklərini sübut edir.
-
Bazar günü, dekabrın 3-də Bakıda ilin bu dövrü üçün anormal isti gözlənilir. Sinoptiklərin proqnozuna görə, paytaxtda havanın temperaturu 22 dərəcəyə qədər isinəcək.
-
Baş Prokurorluğun vəsatəti əsasında Gürcüstanın Baş Prokurorluğu tərəfindən "Mülki, ailə və cinayət işləri üzrə hüquqi yardım və hüquqi münasibətlər haqqında" 22.01.1993-cü il tarixli Konvensiyanın tələblərinə uyğun olaraq Azərbaycan Respublikasının vətəndaşı İbadov Elxan Əhliyyət oğlunun ekstradisiyası haqqında qərar qəbul olunub.
Rəy yaz