Bakı/27.11.19/Turan: "Ümid" Partiyasının sədri, Milli Məclisin keçmiş deputatı İqbal Ağazadənin evində elektrik naqillərini kəsən şəxs saxlanılıb. Bu barədə Bakı Şəhər Baş Polis İdarəsinin (BŞBPİ) mətbuat xidməti məlumat yayıb.
Hüquq mühafizəçiləri elektrik naqillərini kəsən 1986-cı il təvəllüdlü Pestryakov Vladislav Yuriyeviçi izləyərək, digər şəxslərlə birlikdə saxlayıblar və Xətai rayon Polis İdarəsinin 37-ci Polis Şöbəsinə təhvil veriblər.
Ağazadəyə qarşı ehtimal olunan təxribatın araşdırılması zamanı Pestryakovun 2013-cü ildən Ruhi-Əsəb Xəstəxanasında qeydiyyatda olduğu müəyyən olunub.
O, izahatında bildirib ki, Ağazadənin yaşadığı ev onun tanışının evi olub və indi orada başqa şəxsin yaşaması Pestryakovu "narahat edir".
Faktla bağlı araşdırma davam edir. -06D-
Cəmiyyət
-
Cümə günü saat 11:00-a yaxın minik avtomobili Nərimanov metro stansiyasının yaxınlığındakı World Telecom mağazasına çırpılıb.
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
Rəy yaz