Bakı/14.06.18/Turan: Vəkil İradə Cavadova Vəkillər Kollegiyasının Rəyasət Heyətinə və İntizam komissiyasına müraciət edərək onun səlahiyyətlərinin dayandırılması barədə qərara yenidən baxılmasına və obyektiv qərar qəbul edilməsinə çağırıb.
Xatırladaq ki, iyunun 11-də Vəkillər Kollegiyasının Rəyasət Heyəti İntizam komissiyasının rəyi əsasında məhkəməyə müraciət edərək İ.Cavadovanın vəkillik fəaliyyətinin dayandırılmasını istəyib. Buna əsas kimi vətəndaş K.M.-in şikayəti göstərilib. Belə ki, K.M. bildirib ki, vəkil onun saxlanması haqda "yalan məlumat" yayaraq onun adına "xələl gətirib".
Əslində isə vəkil K.M.-in DİN Baş Mütəşəkkil Cinayətkarlıqla Mübarizə İdarəsində qanunsuz saxlanması ilə əlaqədar nazir Ramil Usubova müraciət edib. Bundan sonra K.M.-i buraxıblar.
İ.Cavadova öz müraciətində qeyd edir ki, İntizam komissyası sübutların təqdim edilməsinə məhəl qoymayıb və qərəzli rəy verib.
O xatırladır ki, 2005-ci ildən Vəkillər Kollegiyasının üzvüdür və indiyədək onun barəsində intizam cəzası olmayıb.
Buna baxmayaraq, Rəyasət Heyəti qeyri-obyektiv və əsassız qərar qəbul edib.
Bununla əlaqədar o, materialların Rəyasət Heyətinin və İntizam komissiyasının bütün üzvləri tərəfindən öyrənilməsini və bu sənədlərin əsasında obyektiv qərarın qəbulunu tələb edir.
Xatırladaq ki, söhbət ilk növbədə saxlanılan şəxsin hüquqlarının müdafiəsinə dair müqavilədən gedir.
Vəkillər Kollegiyası müqavilənin olmadığını və İ.Cavadovanın müştərinin razılığı olmadan fəaliyyət göstərdiyini bildirsə də, bu sənəd var.
İ.Cavadova fəal vətəndaş mövqeyi ilə tanınır və yüksək peşəkar vəkil reputasiyasına malikdir.
О, bir çox rezonans doğuran işlər, o cümlədən vətəndaşların mülkiyyət hüquqlarının pozulması faktları, fəalların müdafiəsi üzrə işlərdə vəkil kimi çıxış edib. -06D-
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz