Açiq mənbələrdən foto.
Bakı/09.01.22/Turan: Son günlər sərhədçilər 16 kiloqrama yaxın narkotik vasitə müsadirə ediblər, Azərbaycan Dövlət Sərhəd Xidmətinin məlumatında deyilir.
Avqustun 29-da saat 22:00-da İmişli rayonunun Qaragüvəndikli kəndi yaxınlığında sərhədçilər İrandan gələn sərhəd pozucusunu görüblər. “Dayan!” əmrini eşidən sərhəd pozucusu geriyə İrana qaçıb.
Əməliyyat-axtarış tədbirləri zamanı sərhədyanı zonada bağlamanı götürən 2 nəfər saxlanılıb. Onlar Abşeron rayon sakini Natiq Almanov və Şabran rayon sakini Tahir Rəsulov olub. Onlardan içərisində 3,3 kiloqram marixuana və 800 ədəd metadon-40 həbi olan bağlama götürülüb.
Avqustun 30-da Beyləqan rayonunun Şahsevən kəndi yaxınlığında iki qanun pozucusu nəzərə çarpıb və onlar da əmrə tabe olmayaraq yenidən İrana qaçıblar. Hadisə yerində 2 ədəd bağlamada 16,7 kiloqram narkotik vasitə (marixuana, heroin və metamfetamin) aşkar edilib.
Əməliyyat-axtarış tədbirləri zamanı sərhədçilər narkotik maddələri götürməyə cəhd edən İmişli rayon sakini Əlihüseyn Rzayevi və Bakı şəhər sakini Ramil Ağamalıyevi saxlayıblar. Faktlarla bağlı istintaq davam edir. 05D
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz