Açiq mənbələrdən foto.
İranlı diplomat F.Səfərlinin anasına gələn həftənin çərşənbə axşamına qədər Azərbaycan XİN-in notasına cavab veriləcəyini vəd edib
Bakı/31.03.23/Turan: Fevralın 20-də Almaniyadan İrana səfər edən və sonra barəsində məlumat olmayan Fərid Səfərlinin anası Dilarə Əsgərova oğlunun axtarışını davam etdirir. O, Almaniyadan İrana səfər edib, oradan isə Azərbaycana gəlib. Amma hələ oğlunun taleyi ilə bağlı məlumat ala bilməyib.
Dilarə Əsgərova bu gün, martın 31-də İranın Azərbaycandakı səfirinin müavini ilə görüşüb. O, görüşdən sonra bildirib ki, səfir müavini ən geci gələn həftənin çərşənbə axşamı, aprelin 4-dək Fərid Səfərli ilə bağlı Azərbaycan Xarici İşlər Nazirliyinin notasına cavab veriləcəyini bildirib.
Əsgərovanın sözlərinə görə, İranlı diplomat XİN-in martın 9-da göndərdiyi notaya cavab verilməsinin gecikməsini "prosedur qaydası" ilə izah edib.
"Amma o, Fərid haqqında heç bir məlumat verməyib. Mən soruşdum ki, oğlum İrandadır? O, bir məlumat vermədi. Yalnız dedi ki, nə məlumat varsa, ən geci gələn ikinci gün rəsmi cavab veriləcək", deyə Əsgərova Turan Agentliyinə bildirib.
O deyib ki, ötən həftə İranda olub, amma Fəridin tanışı olan qızı tapa bilməyib.
İran polisinə və məhkəməsinə müraciət etməsinə baxmayaraq, o, oğlu haqqında heç bir məlumat əldə edə bilməyib.
Xatırladaq ki, Fərid Səfərli fevralın 20-də təhsil aldığı Almaniyada Tehrana gedib. Martın 4-dən sonra onunla əlaqə kəsilib. 06B
Cəmiyyət
-
Lider mobil operatordan “HONOR” cihazları əldə edən abunəçilərə “SuperSən 10GB” tarif paketinə 75 % endirim! Azercell “Möhtəşəm Cümə” kampaniyasına start verir. Belə ki, kampaniya çərçivəsində "Azercell Eksklüziv" və diler mağazalarından “HONOR” smartfonu və ya planşeti əldə edən müştərilərə “SuperSən 10GB” tarif paketi 2 ay müddətinə 75 % endirimlə təqdim olunur. Təklifin müddəti bitdikdən sonra isə aylıq ödəniş haqqı cari tariflər üzrə hesablanacaq. Qeyd edək ki, kampaniya 199 AZN-dən başlayan cihazlara şamil olunur.
-
Son günlər ictimaiyyətin diqqəti 2024-cü il noyabrın 8-də Bakıda açılışı keçirilən Qarabağ Müharibəsinə həsr olunmuş yeni Qələbə Abidəsi ətrafında yaranan vəziyyətə yönəlib. Azərbaycanın tanınmış memarı və tarixi memarlıq artefaktlarının tədqiqatçısı Elçin Əliyev abidənin detalları ilə bağlı fotoşəkillər çəkməyə çalışarkən mülki geyimdə olan şəxslərin gözlənilməz maneəsi ilə üzləşib.
-
Şəmkir rayonunda suyun səviyyəsinin ildən-ilə azaldığı Zəyəmçay məişət tullantıları ilə çirkləndirilir, yerli sakinlər bildiriblər. Çayın təmizlənməsi üçün aidiyyatı qurumlara müraciət etsələr də, tədbir görülməyib.
-
Cümə günü paytaxtda hava dəyişkən olacaq. Gecə bəzi yerlərdə yağış yağa bilər. Mülayim cənub-qərb küləyi əsəcək, axşam şimal-qərb küləyinə geçəcək. Havanın temperaturu gecə müsbət 10 +12, gündüz müsbət 13 + 17 dərəcə, rütubət 70-80 faiz olacaq.
Rəy yaz