Bakı/01.04.19/Turan: Martın 26-da Bakıda "Diqals" Ticarət Mərkəzində yanğından zərər çəkmiş iş adamlarına maddi yardım göstərilməsi ilə bağlı İqtisadiyyat Nazirliyində yaradılmış İşçi Qrup tərəfindən sahibkarların fərdi qəbulu başa çatıb. Bu barədə nazirliyin aprelin 1-də yaydığı məlumatda deyilir.
"Martın 29-31-də İşçi Qrupun keçirdiyi qəbulda 441 sahibkar fərdi qaydada qəbul edilib. Qəbul zamanı 381 sahibkar İqtisadiyyat Nazirliyinin Sahibkarlığın İnkişafı Fondunun vəsaitləri hesabına 15 milyon manatadək güzəştli kreditə ehtiyacının olduğu bildirib və artıq sahibkarlarla işlərə başlanılıb", deyə məlumatda bildirilir.
Məlumatda vurğulanır ki, İqtisadiyyat Nazirliyi tərəfindən ticarət mərkəzləri ilə aparılmış müzakirələr nəticəsində əldə edilmiş razılığa əsasən, sahibkarlara 5 ay icarə haqqı ödənilməmək şərti ilə Bakı şəhərinin müxtəlif ərazilərində yerləşən 7 ticarət mərkəzində 680-ə yaxın ticarət obyekti təklif olunub.
Məlumatda deyilir ki, təkliflərə uyğun olaraq, 408 sahibkar ticarət obyektlərinə ehtiyacı barədə müraciət edib və bu istiqamətdə işlərə başlanılıb, sahibkarlar müraciət etdikləri halda əlavə qəbul təşkil ediləcək.
Xatırladaq ki, martın 26-da "Diqlas" TM-də yanğın baş verib. Martın 28-də dövlət başçısının yanında müşavirə keçirilib. Bu müşavirədə sahiblkarlara dövlət dəstəyi verilməsi, dəyən ziyanın hesablanması və İşçi Qrup yaradlaraq iş adamlarını problemlərinin öyrənilməsi kimi isitqmaətlərdə iş aparmaq tapşırılmışdı. Dövət başçısı iş adamlarına yardım məqsədilə martın 29-da 3 milyon manat aryılması barədə sərəncam imzalamışdı. -0-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz