Açiq mənbələrdən foto.
Bakı/21.07.21/Turan: Azərbaycanlı alpinist İsrafil Aşurlunun səkkiz min metrlik Broud Pik (8051 m) zirvəsini fəthi üçüncü həftədir ki, davam edir.
Ekspedisiya zamanı İsrafil yol yoldaşları ilə birlikdə zirvəyə gedən yolda üç aralıq düşərgə qurub.
İlk fəth cəhdi iyulun 19-da edilib. Alpinistin Facebook səhifəsində yazdığına görə, o, 7965 metrə qədər çata bilib.
Zirvəyə qədər saat yarım – iki saatlıq yolu qalmışdı, amma saat 16:30 idi, bu isə o deməkdir ki, zirvəyə günəş batarkən çatmaq olardı. Bu isə təhlükəlidir, buna görə İsrafil və yol yoldaşı düşərgəyə qayıtmaq qərarına gəliblər.
Səhər əsas düşərgəyə qayıdıb bir neçə gün istirahət etmək, daha sonra zirvənin fəthi üçün ikinci cəhdi etmək qərarı verilib.
Xatırladaq ki, Aşurlu oksigen balonundan istifadə etmədən dağa dırmanır.
İndiyədək o, Himalayın səkkiz min metrlik 14 zirvəsindən 4-nü, o cümlədən dünyanın ən yüksək zirvəsi olan Everesti, eyni zamanda Lxotze, Kaçencanqa və Manaslunu fəth edib. -02D-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz