Açiq mənbələrdən foto.
Bakıda isti hava şəraiti davam edəcək, Azərbaycanın rayonlarında yağış yağacağı gözlənilir
Bakı/21.07.21/Turan: İyulun 22-dən 24-nə qədər şimal və qərb rayonlarında şimşək çaxacağı, yağış yağacağı, bəzi yerlərdə intensiv olacağı gözlənilir. Dolu düşəcəyi ehtimalı var. Qərb küləyinin gücü 15-20 metr/saniyəyə, bəzi yerlərdə 23-25 metr/saniyəyə çatacaq. Çaylarda sululuğun artacağı gözlənilir, sel olacağı ehtimalı var, bu barədə Ekologiya Nazirliyinin Milli Hidrometeorologiya Departamentinin məlumatında deyilir.
Bakıda və Abşeronda cümə axşamı yağıntı gözlənilmir. Amma yarımadanın bəzi hissələrində səhər qısamüddətli yağış yağa bilər, cənub küləyi əsəcək.
Havanın temperaturu gecə 25-28, gündüz 35-39 dərəcə təşkil edəcək.
Abşeron çimərliklərində cənub küləyi əsəcək. Dəniz suyunun temperaturu Abşeronun şimal sahillərində - Sumqayıt, Novxanı, Pirşağı, Nardaran, Bilgəh, Zaqulbada 27-28 dərəcə, cənub sahillərində - Türkan, Hövsan, Sahil, Şıxovda 28-29 dərəcə təşkil edəcək.
Havanın temperaturunun 38-40 dərəcəyə qədər yüksəlməsi və zəif külək meteohəssas insanlar üçün əlverişsizdir.
Ölkənin rayonlarında havanın temperaturu gecə 23-28 dərəcə, gündüz 35-40 dərəcə təşkil edəcək, bəzi yerlərdə hava 42-44 dərəcəyə qədər isinəcək. Dağlarda gecə 15-20 dərəcə, gündüz 30-35 dərəcə isti olacaq. -06D-
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz