İstintaq yaddaş kartlarını batıcı-kəsici alət hesab edir

Bakı/27.12.17/Turan: "Müsəlman Birliyi" Hərəkatının lideri Taleh Bağırzadəyə qarşı irəli sürülmüş yeni ittihamla o, kiçik yaddaş kartını qanunsuz saxlamaqda ittiham olunur, istintaq bu kartı batıcı-kəsici alət kimi qiymətləndirir.

Bu barədə Bağırzadənin doğmaları bildiriblər.

İyulun 28-də 20 il müddətinə azadlıqdan məhrumetmə cəzasına məhkum edilmiş Bağırzadə Qobustan həbsxanasına köçürülüb. Geri qayıtdıqda onun üzərində axtarış keçirilib və 7 mini-kart tapılıb. Bağırzadə dərhal karserə salınıb, kartlar isə ekspertizaya göndərilib. Bu kartlarda dini mahnılar var idi.

Ekspertiza kartlarda qadağan edilmiş məzmun aşkar etməsə də, istintaq onların saxlanmasını qanun pozuntusu kimi qiymətləndirib. Bağırzadəyə qarşı CM-in 317-2-ci (həbs yerlərində saxlanması qadağan edilən əşyaların saxlanması və hazırlanması) maddəsi ilə yeni cinayət işi açılıb.

* Taleh Bağırzadə noyabrın 26-da DİN-in Nardaran qəsəbəsində həyata keçirdiyi xüsusi əməliyyat zamanı onlarla tərəfdarı ilə birlikdə saxlanılıb.

Sonradan Bağırzadə hakimiyyəti ələ keçirmək və mövcud quruluşu dəyişdirmək ittihamı ilə 20 il müddətinə azadlıqdan məhrum edilib. -06B-