Bakı/20.12.17/Turan: Ötən gün saxlanılan "Xural" qəzetinin baş redaktoru Əvəz Zeynallı bu gün sərbəst buraxılıb. Binəqədi Rayon Məhkəməsi onun 200 manat məbləğində cərimə edilməsi barədə qərar çıxarıb.
Jurnalist İnzibati Xətalar Məcəlləsinin 535.1-ci maddəsilə (polis nümayəndəsinin qanuni tələblərinə tabe olmamaq) məsuliyyətə cəlb edilib.
Ə.Zeynallı Turan-ın müxbirilə söhbətində özünə qarşı ittihamın uydurma olduğunu bildirib.
O qeyd edib ki, məhkəmənin qərarından apellyasiya instansiyasına şikayət veriləcək.
Xatırladaq ki, Ə.Zeynallı Binəqədi şossesində nəqliyyatın hərəkətinin əsassız bağlanması ilə bağlı birbaşa efirdə danışarkən saxlanılıb. Polis əməkdaşları ondan reportajı dayandırmasını tələb ediblər. Ancaq Ə.Zeynallı öz peşə fəaliyyətini davam etdirdikdə onu saxlayıblar və Binəqədi Rayon Polis İdarəsinin 4-cü bölməsinə aparıblar.-03D06-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz