Bakı/01.11.19/Turan: Oktyabrın 31-də axşam Bakının Yasamal rayon məhkəməsi jurnalist və gənc fəal Şəmistan Həziyevi xuliqanlıq ittihamı ilə 30 gün müddətinə həbs edib.
Ann.az nəşrində işləyən gənc saat 12-də evdən çıxıb və geri qayıtmayıb. Polisə müraciət nəticə verməyib və yalnız məhkəmənin qərarından sonra jurnalistin taleyinə aydınlıq gəlib.
Həmkarlarının Turan-a verdiyi məlumata görə, Şəmistan evdən çıxıb və dərhal sahə polis inspektoru tərəfindən saxlanılıb. İnspektor onunla birlikdə şöbəyə gəlməyi tələb edib. Orada gənci Xalq Cəbhəsi Partiyasını dəstəkləməkdə, sosial şəbəkələrdə Əli Kərimliyə dəstək materialları dərc etməkdə ittiham ediblər.
Daha sonra ona siyasi baxışlarından imtina etdiyi və peşman olduğu barədə ərizə imzalamağı təklif ediblər. Jurnalist bundan imtina edib, bu zaman ona qarşı xuliqanlıq aktı tərtib edilib. Polis guya Şəmistanın küçədə yüksək səslə söyüş söydüyünü və polisin tələbinə məhəl qoymadığını müəyyən edib. Elə həmin gün məhkəmə onu 30 gün müddətinə həbs edib. -02B-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz