Açiq mənbələrdən foto.
Bakı/08.09.20./Turan: “Azadlıq” qəzetinin regional müxbiri Ziya Əsədli üç illik həbs cəzasını çəkdikdən sonra azadlığa çıxıb. O, 2017-ci ilin sentyabrında həbs edilib və Biləsuvar rayon məhkəməsi tərəfindən AR CM-in 221.3-cü (xuliqanlıq, silah qismində istifadə olunan əşyalardan istifadə edilməklə törədildikdə) maddəsi ilə mühakimə olunub.
İttiham versiyasına görə, Ziya Əsədli yerli kafedə xuliqanlıq törədib. Amma yerli sakinlərin sözlərinə görə, bu kafe yerli polis əməkdaşına məxsusdur və Əsədli heç vaxt oraya getməyib.
Əsədli öz ifadəsində bildirib ki, 2017-ci il aprelin 19-da bu kafenin yanından keçərkən kafe işçisi ona hücum edib. Əsədli dərhal DİN-in 102 xidmətinə zəng edib və hücum barədə məlumat verib. Amma cinayət işi onun özünə qarşı açılıb.
Qeyd edək ki, Ziya Əsədli 2-ci qrup əlil, iki uşaq atasıdır.
Hüquq müdafiəçiləri həbsin əsl səbəbinin onun Biləsuvarda və cənub bölgəsinin digər rayonlarında məmur özbaşınalığı, yerli sakinlərin etirazları haqqında nəşrləri olduğunu hesab edərək, onu siyasi məhbus kimi tanıyıblar. -06D-
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz